ޕްރޮގްރާމް އެކްރެޑިޓޭޝަން ގަވާއިދުގެ ދަށުން އެވިޑް ކޮލެޖަށް އެޅި ފިޔަވަޅުތައް އެމްކިއުއޭއިން އުވާލައިފި

މޯލްޑިވްސް ކޮލިފިކޭޝަން އޮތޯރިޓީ (އެމްކިއުއޭ) އިން ނެރުނު ނޫސްބަޔާނެއްގައި ބުނެފައިވަނީ ޕްރޮގްރާމް އެކްރެޑިޓޭޝަން ގަވާއިދުގެ ދަށުން އެވިޑް ކޮލެޖަށް އެޅި ފިޔަވަޅުތައް އުވާލައިފައިވާ ކަމަށެވެ. މިގޮތަށް ނިންމާފައިވަނީ 18 އޮގަސްޓް 2024 ގައި އެމްކިއުއޭ އާއި އެވިޑް ކޮލެޖާ ދެމެދު ބޭއްވުނު މަޝްވަރާ ބައްދަލުވުމަކަށް ފަހުގައެވެ.

އެމްކިއުއޭ އިން ފާހަގަކޮށްފައިވާ ގޮތުގައި އެވިޑް ކޮލެޖުން ވަނީ ކުރިން ފާހަގަކުރެވުނު ހުރިހާ މައްސަލަތަކެއް ރަނގަޅުކޮށްފައެވެ. އެވިޑް ކޮލެޖަކީ ރާއްޖޭގެ ގިނަ ދަރިވަރުން ކިޔަވަމުންދާ އެއް ކޮލެޖެވެ. މި ނިންމުމާ ގުޅިގެން އެވިޑް ކޮލެޖަށް ކުރިން އެޅި ފިޔަވަޅުތައް އުވާލައި، އަލުން ޕްރޮގްރާމްތައް ހިންގުމުގެ ހުއްދަ ލިބިފައިވާކަން އެނގެއެވެ. މިކަމަކީ ރާއްޖޭގެ މަތީ ތަޢުލީމުގެ ދާއިރާއަށް ކިޔަވައިދެމުންދާ ކޮލެޖައް ލިބުނު ކުރިއެރުމެކެވެ. އަދި ދަރިވަރުންނާއި އާއްމުންގެ އިތުބާރާ ޔަގީންކަން ލިބިގެންދާނެކަމެވެ.

އެމްކިއުއޭ އިން މިކަން އާންމުކޮށްފައިވަނީ ނޫސްބަޔާނެއް މެދުވެރިކޮށެވެ. މި ނިންމުމަކީ ދިވެހިރާއްޖޭގެ މަތީ ތަޢުލީމުގެ ފެންވަރު ހިފެހެއްޓުމަށް އެޅޭ މުހިންމު ފިޔަވަޅެއް ކަމަށް ބެލެވެއެވެ. މިނިންމުމާއިއެކު އެވިޑް ކޮލެޖައް ދަރިވަރުންނާއި އާއްމުބރައްޔިތުން ކުރަމުން އައި އިތުބާރު ބޮޑުވެ ކޮލެޖްގެ ހިންގުން އިތުރަށް ހަރުދަނާވެގެން ދާނެއެވެ.