ރައީސްގެ ވައުދާ އި އެއްގޮތަށް 5% އިންޓްރެސްޓްގެ ލޯނު ސްކީމް ފަށައިފި

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިއްޔެ ވިދާޅުވީ، އެމަނިކުފާނުގެ ރިޔާސީ ވަޢުދެއް ކަމުގައިވާ 5 ޕަސެންޓްގެ އިންޓްރެސްޓްގައި ހިމެނޭ ލޯނު ސްކީމް މިއަދުން ފެށިގެން ތަންފީޒުކުރަން ފަށައިފި ކަމަށެވެ.

ރައީސް އޮފީހުގައި ބޭއްވުނު ނޫސްވެރިންގެ ބައްދަލުވުމެއްގައި ވާހަކަފުޅު ދައްކަވަމުން ރައީސް މުޢިއްޒު ވިދާޅުވީ، މި ލޯނު ސްކީމަކީ އެމަނިކުފާނުގެ އިންތިޚާބީ މެނިފެސްޓޯގައި ހިމެނިފައިވާ ވަޢުދެއް ކަމަށާއި، މިއަދުން ފެށިގެން އެ ވަޢުދު ފުއްދުމުގެ މަސައްކަތް ފަށައިފި ކަމަށެވެ.

"މިއަދު ފެށިގެން މިދަނީ، އަޅުގަނޑު ވަޢުދުވީ ގޮތަށް، މެނިފެސްޓޯގައިވެސް ހިމަނާފައި އޮތްގޮތަށް، ފަސް ޕަސެންޓްގެ އިންޓްރެސްޓްގައި ހިމެނޭ، އެއަށްވުރެ ބޮޑުނުވާނެ އިންޓްރެސްޓްގެ ލޯނު ސްކީމް ދޫކުރާނެ ކަމަށް ވީ ވަޢުދު ފުއްދުން،" ރައީސް ވިދާޅުވިއެވެ.

މި ލޯނު ސްކީމްގެ ދަށުން ދޫކުރެވޭ ލޯނުތަކުގެ އިންޓްރެސްޓް ރޭޓް 5 ޕަސެންޓަށްވުރެ މަތި ނުވާނެ ކަމަށް ރައީސް ވިދާޅުވިއެވެ. މީގެ ސަބަބުން ގިނަ ރައްޔިތުންނަށް ވިޔަފާރިތައް ފަށައި، ގެދޮރު އިމާރާތްކުރުމަށް ފަސޭހަވެގެންދާނެ ކަމަށް އެމަނިކުފާނު ފާހަގަކުރެއްވިއެވެ.