މައްސަލަ ބޮޑުވި ކަރަންޓުބިލު ޑިސްކައުންޓު ހިމަނައި އަލުން ބިލު ފޮނުވަނީ!
ދަ މަހު ބޭނުން ކުރި ކަރަންޓަށް ޑިސްކައުންޓު ލިބޭހެން އަލުން ބިލުތައް ފޮނުވުމުގެ މަސައްކަތް މިރޭ ކުރިޔަށް ގެންދާނެކަމަށް ސްޓެލްކޯގެ މެނޭޖިން ޑިރެކްޓަރ ހުސެއިން ފަހުމީ ވިދާޅުވެއްޖެ އެވެ. ބިލުގެ ޑިސްކައުންޓުތަކާއި ގުޅޭގޮތުން ދާދިފަހުން ރައީސް އޮފީހުގައި އޮތް ނޫސްވެރިންގެ ބައްދަލުމުގައި ސްޓެލްކޯގެ މެނޭޖިން ޑިރެކްޓަރ ހުސެއިން ފަހުމީ ވަނީ މީޑިއާތަކަށް މައުލޫމާތު ވެސް ދެއްވާފަ އެވެ. ޑިސްކައުންޓުތައް ހިމަނައި ބިލުތައް އަލުން ފޮނުވާނެކަމަށް ސްޓެލްކޯ ވަނީ މި ހަފްތާގައި އިއުލާނުކޮށްފަ އެވެ. އަދި ސަރުކާރުން ވެސް ވަނީ، ރައީސް ޑރ. މުހައްމަދު މުއްޒުގެ އެންގެވުމާއި އެއްގޮތަށް ބިލުން ޑިސްކައުންޓު ނުދޭތީ އެކަން ހައްލު ކުރުމަށް އެންގިކަން މީޑިއާތަކަށް މައުލޫމާތު ދީފަ އެވެ.އެބަދަލު ގެންނާނެ ގޮތަކާއި މެދު ސުވާލު އުފެދިފައި ވަނިކޮށް، ފަހުމީ ކުރެއްވި ޕޯސްޓެއްގައި ވިދާޅުވީ ކަރަންޓު ބިލަށް ފައިސާ ދައްކާފައިވާ ކަސްޓަމަރުންނަށް އެބައި ދެން ލިބޭ ބިލަކުން ހަމަޖައްސާނެ ކަމަށެވެ. ރޯދަ މަހަކީ އާންމު ދިރިއުޅުމުގެ ހަރަދު ބޮޑު މަހަކަށްވުމާއި އެކު، އެކަމަށް ލުޔެއް ދިނުމުގެ ގޮތުން ބިލުން ޑިސްކައުންޓެއް ދިނުމަށް ރައީސް ޑރ. މުހައްމަދު މުއިއްޒު ނިންމެވީކަން ފާހަގަކުރައްވައި ފަހުމީ ވިދާޅުވީ ހުރިހާ ޑޮމެސްޓިކް ކޮންސިއުމަރުންނަށް ވެސް އެ ޑިސްކައުންޓު ދީފައިވާނެ ކަމަށެވެ.
ފަހުމީ ވިދާޅުވީ އަލަށް ކަރަންޓުގެ ހިދުމަތް ބޭނުން ކުރަން ފެށި ކަސްޓަމަރުންނަށް ވެސް، އެ މީހުން ކަރަންޓު ބޭނުންކުރި މިންވަރުގެ އެއްވެސް ހިސްޓްރީއެއް ނެތި ވެސް ސަރުކާރުން ނިންމި ރޭންޖުގެ ތެރެއިން ޑިސްކައުންޓު ދެވުނު ކަމަށެވެ.
What's Your Reaction?
