ވޮލީބޯލް އެސޯސިއޭޝަންގެ ރައީސް އަކަށް ލަތީފް

ވޮލީބޯލް އެސޯސިއޭޝަން އޮފް މޯލްޑިވްސް (ވީއޭއެމް)ގެ ރައީސްގެ މަގާމަށް މުހައްމަދު ލަތީފް (ލަތީބެ) އިންތިހާބުކޮށްފި އެވެ ލަތީބެދަނީ ސެންޓްރަލް އޭޝިއާ ވޮލީބޯލް އެސޯސިއޭޝަން (ކާވާ) ގެ ރައީސްގެ މަގާމުވެސް ފުރުއްވަމުންނެވެ. އޯޓީޕީ ބައި ސޮލައިޓްގައި ރޭ ބޭއްވި ވީއޭއެމްގެ އެކްސްޓްރާ އޯޑިނަރީ ކޮންގްރެސްގައި، ވޮލީ އެސޯސިއޭޝަންގެ މެމްބަރު 10 ކްލަބްގެ ތެރެއިން އަށް ކްލަބް ބައިވެރިވި އެވެ.އެސޯސިއޭޝަންގެ އަސާސީ ގަވާއިދުގައިވާ ގޮތަށް އެންމެ ފަރާތަކުން ހުސްވެފައިވާ ކޮންމެ މަގާމަކަށް ކުރިމަތިލާފައިވާތީ، އެ ފަރާތްތަކުގެ ކެންޑިޑެސީ ސައްހަވުމާ އެކު، މަގާމަށް އިންތިހާބުކުރަން ނިންމީ މެމްބަރު ކްލަބްތަކުގެ ހާޒިރުގަ އެވެ.