ވެލާނާ ބައިނަލްއަޤުވާމީ ވައިގެ ބަނދަރުގެ ނަން ފިލާގަނޑަށް އަނެއްކާވެސް ސަމާލުކަން

ވެލާނާ ބައިނަލްއަޤުވާމީ ވައިގެ ބަނދަރުގެ ނަން ފިލާގަނޑަށް އަނެއްކާވެސް ސަމާލުކަން ހުއްޓިއްޖެއެވެ. މިފަހަރު ސަމާލުކަން ހުއްޓުނީ ނަންފިލާގަނޑު މާދަރީބަހަށް ބަދަލުނުކޮށް ލެޓިނުން ލިޔެފަ ހުރުމުންނެވެ. މީސްމީޑިޔާގައި މުހައްމަދު މައުރޫފު ކިޔާމީހަކު ލިޔެފައިވަނީ ސަރުކާރުން ޤާނޫނާ ޚިލާފުވެއްްޖެކަމަށެވެ. އެގޮތުން ޤާނޫނު ނަންބަރު 9/2011 (ދިވެހިރާއްޖޭގެ ޤައުމީ ބަހަށްއިސްކަންދިނުމުގެ ޤާނޫނު) ގެ 5 (ނ) ގައި ބަޔާންކުރަނީ؛ "އާންމުންނަށް ފެންނަގޮތަށް ހަރުކުރެވިފައި ހުންނަ ކޮންމެ ނަން ބޯޑެއްގައިވެސް އެ ތަނެއްގެ ނަން، ކިޔަން އެނގޭނޭހެން ތާނަ އަކުރުން ލިޔެފައި އޮންނަންވާނެއެވެ." މިހެންނެވެ.

އިތުރަށް އޭނާ ބުނެފައިވަނީ ދިވެހި ޤައުމިއްޔަތު ދިރުވަން އައި ސަރުކާރުން، ދިވެހި ޤައުމިއްޔަތުގެ އެންމެ މުހިންމު އަސާސް ކަމުގައިވި ދިވެހި ބަހަށް އިސްކަން ނުދީ، އެކަމަށް ޓަކައި ހަދައިފައިވާ ޤާނޫނަށް ވެސް ތަބާ ނުވުމުން މި އެނގެނީ ދައްކާ ވާހަކައާ ކަންކުރާ ގޮތާ ދިމާނުވާ ކަމަށެވ

އަދި ޖޯރޭ ރަސީދު ކިޔާމީހަކު މީސްމީޑިޔާ ދޫކޮށްލި ޕޯސްޓެްްގައިވަނީ ދިވެހިރާއްޖޭގެ ވައިގެ ބަނދަރުގެ މައި ދޮރޯށީގެ ނަން ފިލާގަނޑު އަދިވެސް މާދަރީ ބަހަށް ބަދަލު ނުވާކަމަށެވެ. އަދި ފުރަތަމަ ޖެހީ ފަރަންޖީ ބަހުން އެކަނިކަމަށެވެ. ދެވަނަ ފަހަރު ޖެހީ މާދަރީ ބަހާއި ފަރަންޖީ ބަސް މަސްހުނި ކޮށްގެންކަމަށެވެ. މާދަރީ ބަހުން ޖަހަން ހަދައިގެން މިހާރު އެހުރި ގޮތް އަދި މާހުތުރުކަމަށް އޭނާދެކެއެވެ. އަދި ތިންވަނަ ފަހަރު ޕްރިންޓް ކުރުވައިގެން ނަމަވެސް، މަނިކުފާނު މިކަން ރަނގަޅު ކޮށްލަން މަސައްކަތް ކުރާނެ ކަމަށް އުންމީދު ކުރާކަމަށްވެސް ބިނެފައިވެއެވެ. އޭނާވަނީ ވަޒީރަށް ސުވާލެއްވެސް ދޫކޮށްލާފައެވެ. 

 ގައުމިއްޔަތު ވަޒީރު ވެލާނާ ބައިނަލްއަޤުވާމީ ވައިގެ ބަނދަރު، އެހެންނޫންތޯ؟