އިންޑިއާ ސިފައިން ގެންދިއުމުގެ ރަސްމީ މަޝްވަރާތައް ރާއްޖެއާއި އިންޑިއާއިން ކުރިއައްގެންދަނީ

އިންޑިއާގެ އިސް އޮފިޝަލުން މިއަދު ހެނދުނު 9:30 ހާއިރު ވަނީ ރާއްޖޭގެ ފޮރިން މިނިސްޓްރީއަށް ވަޑައިގެންފަ އެވެ. އެ ވަފުދުގައި އިންޑިއާއިން ރާއްޖެއަށް ކަނޑައަޅާފައި ހުންނަވާ ހައިކޮމިޝަނަރު މުނޫ މަހާވަރާއި، ހައިކޮމިޝަނުގެ އިސް ބޭފުޅުންގެ އިތުރުން، އިންޑިއާ ސިފައިންގެ އިސް ބޭފުޅަކު ހިމެނިވަޑައިގަންނަވަ އެވެ.ސަރުކާރުން އެންމެ ފަހުން ހާމަކޮށްފައިވާ ގޮތުގައި، މި ވަގުތު ރާއްޖޭގައި އިންޑިއާގެ 88 ސިފައިން އެބަ ތިއްބެވެ. ރާއްޖޭގައި އިންޑިއާސިފައިން ތިބުމަކީ ސަރުކާރުން އެދޭ ކަމެއްނޫނެވެ.