ކުނި މެނޭޖްކުރުމަށް ފަސޭހަކުރުމުގެ ގޮތުން( ކައުންސިލްގެ ސާފު ކޮމަންޑޫ ޕުރޮގްރާމް ގެ ދަށުން) ކޮމަންޑޫ ކައުންސިލުން ކޮންމެ ގެއަކަށް ދެ ޑަސްބިން ހަދިޔާކުރަނީ

ރަށުގައި ކުނި މެނޭޖުކޮށް ރަށުތެރެ ސާފުކޮށް ބޭއްވުމުގެ ގޮތުން ކޮމަންޑޫ ކައުންސިލުންދަނީ ގިނަ މަސަތްކަތްތަކެއްކުރަމުންނެވެ. އެގޮތުން ސާފުކޮމަންޑޫގެ ނަމުގައި ގެންދަނީ ރަށުފެންވަރުގެ ޕްރޮގުރާމެއް ހިންގަމުންނެވެ. އެގޮތުން ފުޅާދާއިރާއެއްގައި މިމަސަތްކަތް ކުރަމުންދާއިރު ކައުންސިލްގެ ޙަރަދުގައި ރަށްރަށުގައި ކުނި މެނޭޖްކުރުމަށްފަސޭހަ ކުރުމުގެ ގޮތުން ކޮމަންޑޫ ކައުންސިލުންވަނީ ރަށުގެ ކޮންމެ ގެއަކަށް ދެ ޑަސްބިން ހަދިޔާކޮށްފައެވެ. 

 ރައްޔިތުން މިކަމަށް ހޭލުންތެރިކުވުގެ ގޮތުންނާއި ރައްޔިތުންނާއި ކައުންސިލް ގުޅިގެން މިމަސަތްކަތް ކާމިޔާބުކުރުމަށް ބާރު އެޅުމުގެ ގޮތުން ގޭގޭގެ ކުނި ވަކިކުރުމަށްޓަކައި ކޮމަންޑޫ ކައުންސިލުންދަނީ ކޮންމެ ގެއަކަށް އެކަށީގެންވާވަރުގެ ދެ ޑަސްބިން ހަދިޔާކުރަމުންނެވެ. ކައުންސިލްގެ ބޭނުމަކީ ރައްޔިތުންނާއި ކައުންސިލް ގުޅިގެން ޙަރުދަނާ ގޮތެއްގައި ކުނި މެނޭޖްކުރުމުގެ މަސަތްކަތް ކުރުމެވެ. އަދި މިކަމަށް ރަށްޔިތުންގެ ފުރިހަމަ އެއްބާރުލެއްވުން ލިބިގެންދާކަން ފާހަގަކުރެވެއެވެ. މިއީ ކައުންސިލް އިސްނަގައިގެން ކައުންސިލްގެ ޙަރަދުގައި ހިންގަމުންދާ ހަރަކާތެކެވެ.

މީގެ ކުރިން ރަށްރަށުގައި ކުނި މެނޭޖްކުރުމަށް ރަށު ކައުންސިލްތަކަށް ފައިސާގެ އެހީތެރިކަން ފޯރުކޮށްދިނުމަށްއ އެމްޑީޕީ ސަރުކާރުން ސަރުކާރުންވަނީ ކައުންސިލްތަކަށް 30.8 މިލިއަން ރުފިޔާގެ އެހީދީފައެވެ. މިދިޔައަހަރު މިކަމަށް މުޅިންއަލަށް ބަޖެއްޓެއް ކަނޑައަޅާ އެބަޖެޓް މިނިސްޓްރީ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޮލޮޖީގެ ބަޖެޓްގައި ހިމަނާފައެވެ. މިކަމަށް މިއަހަރު މިނިސްޓްރީގެ ބަޖެޓްގައި ހިމަނާފައިވާ ފައިސާގެ ޖުމްލަ ޢަދަދަކީ 30,800,000 ރުފިޔާއެވެ.