ފެނައިކައިގެ ކުރީގެ އެމްޑީ ސައީދު ހުރިތާކުން ގެނެސް ހައްޔަރު ކުރަންޖެހޭ- ވަޒީރު ފައިސަލް
ފެނަކަ ކޯޕަރޭޝަންގެ ކުރީގެ މެނޭޖިންގ ޑިރެކްޓަރ (އެމްޑީ) ސައީދު ހުރިތަނަކުން ގެނެސް ހައްޔަރުކުރަންޖެހޭ ކަމަށް އެންވަޔަރަންމަންޓް މިނިސްޓަރ އަލްފާޟިލް އަޙްމަދު ފައިސަލް ވިދާޅުވެއްޖެއެވެ.
މިނިސްޓަރ ފައިސަލް މިހެން ވިދާޅުވީ އިއްޔެ މިރޭ ބޭއްވި ޕީއެންސީގެ ހަރުގެ ބައްދަލުވުމެއްގައެވެ. އޭނާ ވިދާޅުވީ ފެނަކަ ހިންގުމަށް ބޭނުންވަނީ 3000 މުވައްޒަފުން ކަމަށާއި، ނަމަވެސް މިހާރު ފެނަކައިގައި 9000 މުވައްޒަފުން ތިބި ކަމަށެވެ.
"ފެނަކައިގެ ކުރީގެ އެމްޑީ ހިންގާފައި ވަނީ ހަމަ ހުސް ޖަރީމާއާއި ވައްކަން. އެހެންވީމާ އެމަނިކުފާނު ހުރިތަނަކުން ގެނެސް ހައްޔަރުކުރަންޖެހޭ،" މިނިސްޓަރ ފައިސަލް ވިދާޅުވިއެވެ.
މިނިސްޓަރުގެ މި ވާހަކަފުޅުން އެނގިވަޑައިގަންނަވަނީ ފެނަކައިގައި މުވައްޒަފުންގެ އަދަދު އިތުރުވެފައިވާ މިންވަރާއި، އެކަމުގެ ސަބަބުން ކުންފުންޏަށް ކުރިމަތިވެފައިވާ މާލީ ދަތިތަކެވެ. އަދި ކުރީގެ އެމްޑީގެ ޢަމަލުތަކާ ގުޅިގެން ޤާނޫނީ ފިޔަވަޅު އަޅަން ޖެހިފައިވާކަމެވެ.
What's Your Reaction?
