‘ދައުލަތުގެ ދަރަންޏާބެހޭ ބިލު’ ހުށަހެޅުމަށްފަހު މެމްބަރު މަމްދޫޚްގެ ފާޑުކިއުން ކުރީސަރުކާރަށް
ފޭސްބުކުގައި ކުރި ޕޯސްޓެއްގައި ފުނަދޫ ދާއިރާގެ މެމްބަރު މަމްދޫޚް ބުނެފައިވަނީ ރައްޔިތުންގެ މަޖިލީހަށް ސަރުކާރުން ހުށައަޅާ ބިލު، ‘ދައުލަތުގެ ދަރަންޏާބެހޭ ބިލު’ މިއަދު ސަރުކާރުގެ ފަރާތުން އޭނާ ހުށައަޅައިފިކަމުގައެވެ.
އިތުރަށް ބުނެފައިވަނީ ނިމި ދިޔަ އެމްޑީޕީގެ ސަރުކާރުން ރިކަރަންޓް ޚަރަދުތައް ފޫބައްދަން ބޮޑެތި އިންޓަރެސްޓު ރޭޓުތަކުގައި ތަނެއްދޮރެއް ނުބަލާ، ވައްކަމާ ކަރަޕްޝަނަށް މަގުފައިވާ ގޮތަށް ނަގާފައިވާ ރެކޯޑު އަދަދުގެ ލޯނުތައް ވެގެން ދިޔައީ ރާއްޖެ އިޤްތިސާދީ އަނދަވަޅަކަށް ވެއްޓިގެންދިޔަ މައިގަނޑު އެއް ސަބަބުކަމުގައެވެ. އަދި އެމްޑީޕީގެ ސަރުކާރުން ހަލާކުކޮށް ފުނޑުފުނޑުކޮށްލާފައިވާ އިޤްތިސާދު ހަމަމަގަށް އެޅުއްވުމަށް، ރަޢީސް ޑރ މުއިޒްގެ ސަރުކާރުން ގެންދަވަނީ މުހިންމު ބުރަ އަދި ގިނަ މަސައްކަތްތަކެއް ކުރައްވަމުންކަމަށެވެ.
What's Your Reaction?
