ށ. މިލަންދޫ ކައުންސިލުން އާރުޑީސީގެ އިސްވެރިންނާއެކު ބައްދަލުވުމެއް ބާއްވައިފި
ށ. މިލަންދޫ ކައުންސިލްގެ ރައީސް އަދި މެންބަރުން ވަނީ މިއަދު އެ ކޯޕަރޭޝަންގެ މެނޭޖިންގ ޑައިރެކްޓަރ އަދި އިސްވެރިންނާއެކު ބައްދަލުވުމެއް ބާއްވާފައެވެ. މި ބައްދަލުވުން ކުރިއަށް ގެންގޮސްފައިވަނީ އޮންލައިންކޮށެވެ.
މި ބައްދަލުވުމުގައި މައިގަނޑު ގޮތެއްގައި މަޝްވަރާކުރެވިފައިވަނީ ށ. މިލަންދޫގައި މިހާރު ކުރިއަށްދާ މަގު ހެދުމުގެ މަޝްރޫއާ ގުޅޭގޮތުންނެވެ. ޚާއްޞަކޮށް މި މަޝްރޫއާ ގުޅިގެން ދެފަރާތުން ފޯރުކޮށްދެވޭނެ އެހީތެރިކަމާ ބެހޭގޮތުން ވަނީ ޚިޔާލު ބަދަލުކުރެވިފައެވެ.
މި ބައްދަލުވުމަކީ ރަށު ތަރައްޤީއަށް ކުރެވޭ މަސައްކަތްތަކުގައި ކައުންސިލާއި އެކޯޕަރޭޝަނާއި ދެމެދު އޮންނަ ގުޅުން ބަދަހިކޮށް، އެއްބާރުލުން އިތުރުކުރުމަށް ބޭއްވުނު ބައްދަލުވުމެކެވެ. މީގެ ސަބަބުން މަޝްރޫއު އަވަސް ގޮތެއްގައި ކުރިއަށް ގެންދިއުމަށް މަގުފަހިވެގެންދާނެ ކަމަށް ކައުނސިލުން އުންމީދު ކުރެއެވެ.
ށ. މިލަންދޫގެ މަގުތައް ތަރައްޤީކުރުމަކީ ރަށުގެ ރައްޔިތުން ގިނަ ދުވަސްތަކެއް ވަންދެން އެދެމުން އައި ކަމެކެވެ. މި މަޝްރޫއު ފުރިހަމަވުމުން ރަށުގެ ދަތުރުފަތުރުގެ ނިޒާމަށް ބޮޑު ކުރިއެރުމެއް ލިބިގެންދާނެ ކަމަށް ބެލެވެއެވެ.
What's Your Reaction?
