ނިކަމެތި މީހާ ގުބޯހެއްދުން ނޫންކަމެއްނެތް!

ބޯހިޔާވަހިކަމަކީ ކޮންމެ ރައްޔިތަކައްވެސް ލިބެންޖެހޭ ހައްގެކެވެ.ކޮންމެ ސަރުކާރެއްގައި ވިއަސް ރައްޔިތުމީހާ ކެތްމަދުވެފައި ހުންނަނީ ބޯހިޔާވަހިކަމެއް ލިބޭނެކަމުގެ އުންމީދުގައެވެ.ވާނީވެސް އެހެންތާއެ ދިރިއުޅުމުގެ ހާލަތު ހުރިގޮތުން ގިނަ ބަޔަކު އުޅެންޖެހިފައިވަނީ ލިބޭ އާމްދަނީ އެއްކޮއް ކުއްޔައް ދައްކާގެންނެވެ.ކުރާނީވެސް ވަކި ކީއްހެއްޔެވެ.ދަރިންގެ މުސްތަގުބަލު އޮތްތާކު އާމްދަނީ ހޯދައިގެން ދިރިއުޅެންއެބަޖެހެވެ.ވީއިރު ސަރުކާރުން ގެދޮރުވެރިކަމައް ފުރުސަތު ހުޅުވާލުމުން ތެޅެނުގަންނަންވީ ކީއްވެހެއްޔެވެ؟

ހަމަޔަކާ އުސޫލެއް އިއުލާނު ކޮށްފައި އޮންނަނީ ނަމެއްގައެވެ. އަމްދުން ގޯއްޗާ ފްލެޓްގެ ޑިމާންޑް ބޮޑުއިރު ދެވެން ހުރި އަދަދަށްވުރެ ގިނައިން ފުރުސަތު ހުޅުވާލަނީ ކިއްކުރަންތޯއެވެ.ރައްޔިތުން ތެޅެފޮޅޭނެކަން އިގިހުރެނޫންތޯއެވެ.އިންތިހާބާ ކައިރި ވާއިރައް ފުލެޓު ދޭނަމޭ ވޯޓުދޭށޭ ބަޔަކު ގޮވަމުންދުވެއެވެ.އަދި ފުލެޓު ލިބޭނެ ކަމުގެ ޔަގީންކަންވެސް ދެއެވެ.ނަމަވެސް ކަންނިމިދާއިރު ފުލެޓުވެސް ގޯތިވެސް ލިބިގެންދަނީ ދާއިރާ މެންބަރުގެ އައިލީ ބޭފުޅުންނައްށެވެ.5 ދަރިންގޮވައިގެން 1 ކޮޓަރިގަނޑުގަ އުޅޭ ދައްތަގެ މާކުސް މަދުކޮއް ކޮންމެވެސް މެންބަރެއް ނޫނިއްޔާ ކުންފުއްޔެއްގެ ބޮޑު ބޭފުޅަކު ކޮއްޓާލާއިރައް ދަރިޔަކު ނެތް މީހާ އައްވެސް ޕޮއިންޓު މަތިކޮއްލަދެއެވެ.އެއްކަލަ ނިކަމެތި ދައްތަ ޝަކުވާ ހުޝައަލާލަ އަޅާލަ އިނުން ނޫންގޮތެއް ނޯންނާނެއެވެ.ދައްތަ ކައިރީ ފުލެޓު ދޭނަންކަމައްބުނެ ވޯޓު ހޯދި އެއްކަލަ މެންބަރު ފޯނުވެސް ނަގާނުލާނެއެވެ.މީކަންއޮތްހިސާބެވެ.މީހަކައް ލިބިގެން ބަޔަކު ހަސަދަވެރި ވަނީކީނޫނެ ނޫނީ ލިބިޔަ ނުދޭން އުޅެނީކީވެސް ނޫނެވެ.ނިކަމެތި މީހާ އުޅޭ ހާލެއް ދިރިއުޅޭ ފެންވަރެއް ފިނިކޮޓަރީގައި ރިޝްވަތު ހިއްޕަވާ ފުލެޓާއި ގޯތި ބައްސަވަން ތިއްބެވި ބޭފުޅުންނަކައް އިހުސާސެއް ނުވާނެއެވެ.ވީމާ މިއަދު ކޮންމެ މީހަކުވެސް އެމީހެއްގެ ހައްގު ހޯދަން ދާނެއެވެ.އަޑުވެސް އުފުލާނެއެވެ.ޝަކުވާ ހުޝައަޅާހާ ފަހަރަކު ތިމާމެންނައް ހެދުނު ގޯސް ރަގަނޅު ކުރުމުގެ ބަދަލުގައި ކުރީ ސަރުކާރޭ ދެންއަންނަ ސަރުކާރުކިޔުން ހުއްޓާލާށެވެ.

އަނެއްކާވެސް އޮތީ އިންތިހާބެކެވެ.ބަޔަކު ތައްޔާރުވަމުން އެދަނީ އަރުވާޖަހައިގެން ރައްޔިތުމީހާ ގުނބޯ ހައްދަންނިކުތުމަށެވެ.މިއަދު މިއޮތީ ނިކަމެތި ރައްޔިތުމީހާ ވިސްނަންޖެހިފައެވެ.ކޮންމެ ސަރުކާރެއްގައިވެސް ވާނެޔޭ ދޭނެޔޭ ލިބޭނެޔޭ ކިޔުން ނޫންކަމެއްނެތެވެ.ކިތަންމެ ބޮޑު ޓައީއެއްއަޅައިފައި ކިތަންެމެ އިއްޒަތްތެރި ކިޔަސް މިއަދު ރައްޔިތުންނައް ތީ ކޮންބޭފުޅުންނެއްކަން ވިސްނެއެވެ.ތިޔަ ސިޔާސީ މަންފާ ހޯދުމައްޓަކައި ނިކަމެތިން ގުނބޯހެއްދުން ނޫންކަމެއް ކުރެއްވިންތޯއެވެ؟ ދާދި ފަހަކުން ރައްޔިތުން ގޮތްނިތްމިފަދައިން މިފަހަރުވެސް ތިޔަބޭފުޅުން ހީނުކުރައްވަވާ ގޮތެއް ނިންމަފާނެކަމާމެދު ވިސްނަވައި ލައްވާށެވެ. ނިކަމެތިން ގުނބޯހެއްދުން ނޫންކަމެއް ކުރައްވާށެވެ.