ހަސަދަވެރިވާ ނަމަ އެކަމަށް މާފަށް އެދެން،ދިވެހިން އަދިވެސް ހިނިތުވުމާއެކު މަރުހަބާ ކިޔާނަން

ދުނިޔޭގެ ބާރުވެރި ކަމަށް ބޮޑާވެ އެހެން ގައުމެއްގެ ނިކަމެތި ކަމަށް ހަޖޫ ޖާހާނީ ތިމާމެން އަމިއްލަ ނަފްސާއި މެދު މާ ބޮޑަށް ފަހުރުވެރި ވުނީމައެވެ.ފަހުރުވެރިވުމަކީ ރަނގަޅު ކަމެކެވެ.ނަމަވެސް އެކަމުގައި ހައްދު ފަހަނައަޅާއި ދިއުމަށް ކިޔާ އުޅެނީ ކިބުރުވެރި ކަމެވެ.ކޮންމެ ޔަކަސް މި ބޮޑާވާ ބަޔަކީ ކިހާ ބޮޑު ކާމިޔާބީއެއް ލިބިގެން އުޅޭ ބައެއް ތޯ ބަލާލަމާ ހެއްޔެވެ.ދައްކަން މިއުޅެނީ ދުނިޔޭގެ 2 ވަނަ އަށް އެންމެ ބޮޑު އާބާދީ އޮތް ގައުމުގެ ވާހަކައެވެ.ދުނިޔޭގެ އެންމެ ކާމިޔާބު މުނިފޫހި ފިލުވުމުގެ ދާއިރާއެއް އޮތް ގައުމުގެ ވާހަކައެވެ.މިހެން ގޮސް ކިޔާކަށް ނެތީމެވެ.މީ ވަރަށް ވެސް ހުނަރުވެރި ގައުމެކެވެ.ކިތަންމެ މޮޅު ކާމިޔާބީތަކެއް ލިބިފައި އޮތަސް އެހެން ގައުމަކަށް ފުރައްސާރަކޮށް ގައުމެއްގެ ސިނާޔަތެއް ނެތިކޮށްލަން މަސައްކަތް ކުރުމަކީ ތިމާމެންގެ ދިފާއުގައި ވެސް ކުރަން ނުވާވަރު ކަމެއްކެވެ.ދިވެހި ރާއްޖެ ސަރަހައްދީ ގޮތުން ކުޑަކަމާއި،ދިވެހި ރާއްޖޭގެ މީސްކޮޅު މަދު ކަމާއި ،ދިވެހި ރާއްޖެއަށް އެ ގައުމުން އެހީދިީ ،ކާ ބޯ ތަކެތި ފޯރުކޮށްދޭ ކަލަ ގޮވާ މަލާމަތް ކޮށް ދިވެހިން ފަލީހަތް ކުރީ އެއްވެސް ކަމަކާއި ނުލައެވެ.އަދި ދިވެހިންގެ ފުށުން ފެންނުން އެދެވިގެން ނުވާ އަމަލަށް ރިޔާސަތުން ފިޔަވަޅު އެޅުމުން ވެސް ރާއްޖެއަށް އަންނަ ފަތުރުވެރިންގެ މާރކެޓް ކުޑަ ކުރުމަށް ޓަކައި މިމީހުން ތިބީ ފޫގަޅަލާފައެވެ.ހީވަނީ މިބައިމީހުން ތިބީ ދިވެހިންގެ އިގުތިސާދު ފުނޑާލުމަށް ފުރުސަތެއް ނެތިފަހެންނެވެ.ނަމަވެސް ބަޔަކު ކީހާ އެއްޗެއް އަޑުއަހާކަށް ދިވެހިން އަބަދަކު ނުތިބޭއެވެ.ދިވެހި ގައުމަށާއި ދިވެހިންނަށް ހަނގާ ކުރާ ގައުމުގެ ހާލަތު އޮތީ މާ ރަނގަޅު ފެންވަރެއްގައި ނޫނެވެ. އެގައުމުގެ ހުރިހާ ހިސާބަކަށް އަދިވެސް ކަރަންޓްގެ ހިދުމަތެއް ނުލިބެއެވެ.އަދައިގެ ނިކަމެތި ރައްޔިތުން ތިބީ އަދު ތޯ މާދަން ތޯ ވެފައިއެވެ.ދުނިޔޭގެ އެންމެ ބޮޑެތި ވައްކަމާއި ހިޔާނަތް ހިގަނީ އެގައުމާއި އެގައުމުގެ ސަރުކާރު ތެރޭގައިއެވެ.ބޯޑަރާކާއި ތަޅާއި ފޮޅާއި ހަނގުރާމަޔާއި ލޭއޮލުރުން އާމު ވެފައި ވެފައިވަނީ ވެެސް ހަމަ އެ ގައުމުގައިއެވެ.ވަކި ގައުމަކާއި ޖައްސަލައިގެން އުޅޭ ސިޔާސަތު ގެންގުޅޭ ގައުމަކީވެސް އެއީއެވެ.އަދި ދީނީ ތަފާތު ކުރުމާއި މުސްލިމުންނާއި މެދު އެގައުމާއި އެގައުމުގެ ސަރުކާރުން ކަންތަ ކުރާ ގޮތުގެ ވާހަކަ ދައްކާނަމަ މި އާރޓިކަލް ނުވެސް ނިމޭނެއެވެ.ރާއްޖެއަކީ ކިތަންމެ ވަސީލަތް މަދު ،ބިމުގެ ޖާގަ ކުޑަ،މީސްކޮޅު ގައުމަކަށް ވީނަމަވެސް ދިވެހި ރައްޔިތުންގެ ހާލަތާއި ދިރުއުޅުން އެމީހުންނަށް ވުރެ އެތަށް ތަނެއް ރަނގަޅު ވާނެއެވެ.އަދި އެކަންކަމާއި މެދު ދިވެހިން ބޮޑަޔެއްނުވެއެވެ. އުޅެނީ ހިތްތިރި ރިވެތި ދިރިއުޅުމެކެވެ.ކުރަނީ ހެއްދެވި ފާރަތަށް ހަމްދާއި ޝުކުރެވެ.އަހަރުމެންގެ މި ލޮބުވެތި ގައުމުގައި ހުރިހާ ރަށަކާއި ހުރިހާ ރަށެއްގެ ރައްޔިތުންނަށް ލިބެން ޖެހޭ އަސާސީ ބޭނުންތަ ނުފުދި އެއް ނުހުންނާއެވެ.ދިވެހި ރާއްޖޭގެ ރައްޔިތުންނަކީ އަމާން ކަމާ ސުލްހަޔަށް ލޯބި ކުރާ ބައެއްކެވެ.ދިވެހި ކޮންމެ ދަރިޔަކީ ކިޔެވުމުގެ ފުރުސަތު އެއްވެސް ތަފާތު ކުރުމެއް ނެތި މައަދު ލިބެން އޮތް ބަޔެކެވެ.ދިވެހިންނަކީ ތަންދޮރު ފިލާ ތިބި ގާބިލް ހަރުދަނާ މުޖްތަމައުއެކެވެ.ސާފު ތާހިރު ދިރިއުޅުން ކަށީގައި ހީފާފައިވާ ރައްޔިތެކެވެ.

ދިވެހިންނަކީ ބަސް ބުނަން ކެރޭ އިސްލާމް ދީންނާއި ގައުމު ދިފާއު ކުރުމަށް ކެރޭނެ ބައެކެވެ .މިފަދަ ބައެއްގެ ރިޒުގެއް އެއްވެސް މީހަކަށް ނުހިއްފޭޓޭނެވެ.ކުރާ މަލާމާމަތަކަށް ދައްކޮލާ ދައްކުރުމަކަށް ދިވެހިންނެއް ނުގުޑާނެއެވެ.ދިވެހި ރާއްޖެޔަކީ އަބަދުވެސް އެންމެ މަގްބޫލު މަންޒިލެވެ.އިރާދު ކުރެއްވިޔާ ދެމި އޮންނާނީ ވެސް އެގޮތުގައިއެވެ.އެކަމާމެދު ހަސަދަވެރިވާ ނަމަ ދިވެހި ރައްޔިތުން އެކަމަށް މާފައް އެދެމެވެ.