ނައިބްރައީސް ކުރި ރައީސްކަމުގެ ހުވާ ގާނޫނީ ބަހުސަކައް އަދުނާންހަލީމްގެ އާޓިކަލް

ރާއްޖޭގެ ނާއިބު ރައީސް ކަމުގައި ހުންނެވި ފައިޞަލް ނަސީމު. 25 ފެބުރުވަރީ 2022 ގައި ރައީސުލްޖުމްހޫރިއްޔާ ކަމުގެ ހުވައި ކުރުމާއެކު އެދުވަހުގެ އެ ވަގުތުން ފެށިގެން އެއީ ރާއްޖޭގެ ރައީސުލްޖުމްހޫރިއްޔާއެވެ.  

އަދި ހަމަ އެވަގުތުން ފެށިގެން ރައީސް އިބްރާހީމް މުޙައްމަދު ޞާލިޙަކީ ކުރީގެ ރައީސުލްޖުމްހޫރިއްޔާއެކެވެ. 

މިދެންނެވި ތާރީޚުން ފެށިގެން ރާއްޖޭގައި ނާއިބު ރައީސަކު ނެތެވެ.

ރައީސް އިބްރާހީމް މުޙައްމަދު ޞާލިޙު މިހާރު އެކުރައްވަނީ ބަޣާވާތުގެ ވެރިކަމެކެވެ. ކުރެއްވި އެއްވެސް ކަމެއް، ކުރެއްވި ސޮޔެއް ވެސް ޞައްޙައެއް ނޫނެވެ. 

މިދެންނެވި ދުވަހާ ހަމައަށް ރައީސް ކަމުގައި ހުންނެވި ރައީސް އިބްރާހީމް މުޙައްމަދު ޞާލިޙު ރައީސުލްޖުމްހޫރިއްޔާގެ މަސްއޫލިއްޔަތު އަދާ ކުރުމަށް ނުކުޅެދިގެން ނާއިބު ރައީސް ކަމުގައި ހުންނެވި ފައިޞަލް ނަސީމާ ރައީސުލްޖުމްހޫރިއްޔާ ކަމަށް އިސްކުރީއެވެ. ރައީސުލްުމްހޫރިއްޔާ ކަމަށް ނުކުޅެދިއްޖެ ކަމަށް އިޢްތިރާފުވެ ރައްޔިތުންގެ މަޖިލިހުގެ ރައިސަށް، ރައސް ޞާލިޙު ފޮނުއްވި ސިޓީ ލިބުމުން ނާއިބުރައސް ރައްޔިތުންގެ މަޖިލހަށް ގެންނަވައި ހުވައި ކުރުމާއި ހުވައިގެ ލިޔުމުގައި ސޮއިކޮށް މަޤާމާ ޙަވާލު ކުރުމުގެ ކަނކަން ޤާނޫނީ ހަމަތަކުގެ މަތިން ކުރެއްވީ ރައްޔިތުންގެ މަޖިލީހުގެ ރައިސް، ރައިސް މުޙައްމަދު ނަޝީދެވެ. ހުވައި ލައިދެއްވީ އުއްތަމަ ފަނޑިޔާރު އަލްއުސްތާޒު މުޢުތަސިމް ޢަދުނާނެވެ. 

ޤާނޫނީ ހަމަތަކުގެ މަތިން މިކަން އޮތީ މިގޮތަށެވެ. އެކަމަކު މި ރާއްޖޭގެ ޤާނޫނީ ބޜފުޅުން ތިއްބެވީ މިވާހަކަ ދައްކަން ނުކެރިފައެވެ. އަޅުގޑު އެކަނި ދެއްކިޔަސް. ދައްކާނަމެވެ. ތާރީޚަށްޓަކައެވެ. 

ނަކަލުކޮށްފައިވަނީ އަދުނާންހަލީމްގެ ފޭސްބުކް ޕޭޖުން