ޔުނިވަރސިޓީ އޮފް ވެސްޓް ލަންޑަންގެ ޕްރޮގްރާމްތައް އެވިޑްގައި

އެވިޑް ކޮލެޖުން ޔުނިވަރސިޓީ އޮފް ވެސްޓް ލަންޑަންގެ ޕްރޮގްރާމްތައް ކިޔަވައިދިނުން ފެށުމަށް ބޭއްވި ޚާއްޞަ ޙަފްލާ ޝަރަފުވެރި ކޮށްދެއްވާފައިވަނީ ޑރ. ޝަހީމްއެވެ. މި ކޯސްތަށް ހިންގުމުގެ މައިގަނޑު މަގުސަދަކީ ރާއްޖޭގެ އެކި ކަންކޮޅުތަކަށް އެވިޑް ކޮލެޖުން ދެމުންގެންދާ ހިދުމަތް ފުޅާކުރުމާއި ހިދުމަތުގެ ފެންވަރު އިތުރަށް ރަނގަޅު ކުރުމެވެ. ޔުނިވަރސިޓި އޮފް ވެސްޓް ލަންޑަންގެ އެމްބީއޭ ޕްރޮގްރާމެއް އެވިޑް ކޮލެޖްގެ ފަރާތުން ދިވެހި ދަރިވަރުންނަށް ފަހިކޮށްދިނުމަކީ، ދިވެހި މުޖުތަމަޢުއަށް ދެއްވި ވަރަށް ބޮޑު ހަދިޔާއެއްކަމަށް އިސްލާމީ ކަންތައްތަކާއި ބެހޭ ވަޒީރު ޑރ. މުޙައްމަދު ޝަހީމް އަލީ ސައީދު ވިދާޅުވިއެވެ.