ބެލެވޭ ގޮތުގައި ޑރ މުއިޒް ސަރުކާރުގެ އިސްލާމިކް މިނިސްޓަރަކީ ޑރ. ޝަހީމް - ތަޖުރިބާއާއިއެކު އިލްމީގާބިލް ބޭފުޅެއް

މަދީނާ ޔުނިވަސިޓީގެ ފެކަލްޓީ އޮފް ޝަރީއާއިން ޑިގްރީ ހާސިލުކުރުމަށްފަހު، ޝަހީމް މާސްޓާސް އާއި ޑޮކްރަޓޭޑް ހާސިލް ކުރެއްވީ، މެލޭޝިޔާގެ އިންޓަނޭޝަނަލް އިސްލާމިކް ޔުނިވަސިޓީއިންނެވެ. އެ ދެ ޔުނިވަސިޓީން ވެސް ޝަހީމަށް ވަނީ އިސް ދަރިވަރުންނަށްދޭ މަތީ ޝަރަފް އަރުވައިފަ އެވެ. ރައީސްމުހައްމަދު ނަޝީދުގެ ސަރުކާރުގައި އިސްލާމިކް މިނިސްޓްރީގެ ސްޓޭޓް މިނިސްޓަރުކަމާއި,  އެއަށްފަހު ޑރ. މުހައްމަދު ވަހީދުގެސަރުކާރާއި، އަބްދުﷲ ޔާމީންގެ ވެރިކަމުގައި ޝަހީމް ވަނީ އިސްލާމިކް މިނިސްޓަރުކަން ކުރައްވައިފަ އެވެ. މުއިއްޒުގެ ކެމްޕޭނުގައި ޝަހީމް އިސްކޮށް ހަރަކާތްތެރިވެ ވަޑައިގެންފައި ވެއެވެ. އެގޮތުން ގިނަ ރަށްރަށަށް ވަޑައިގެންޑރ.މުއިއްޒު ހޮވުމަށް އަމަލީ ގޮތުން ބައިވެރިވެ، ޑރ. މުއިއްޒު ރައީސް ކަމަށް އިންތިޚާބު ކުރުމަށްޓަކައި އެންމެ ބުރަކޮށް މަސައްކަތް ކުރެއްވިބޭފުޅުންގެ ތެރޭގައި ޝަހީމް ހިމެނި ވަޑައިގަންނަވައެވެ. ކުރީގެ ރައީސް އަބްދުﷲ ޔާމީނު ދެ ވަނަ ދައުރަކަށް ވާދަކުރެއްވިއިރު، އެ މަނިކުފާނުގެރަނިންމޭޓަކީ ވެސް ޝަހީމެވެ.