ފޮތިކޮޅުތުރުކުރެއްވުމުން، ފަލަސްދީނަށްޓަކައި އަޑުއުފުލީނީކީ ނޫނެ.
މިދުވަސްވަރު މުޅި ދުނިޔޭގެ އެންމެ ހަރު އަޑުން ގޮވަމުން ދަނީ އިސްރާއިލުން ފަލަސްތީނަށް ދެމުންދާ އަނިޔާތަކަށް ނިމުމެއް ގެނައުމަށްށެވެ.މި މާ ސިންގާ ދުނިޔޭގައި ރާއްޖެއަކީ ކިތަންމެ އާރެއް ބާރެއް ނެތް ކުޑަ ގައުމަކަށް ވީކަމުގައި ވިޔަސް ، ދިވެހިން ތިބީ ފަލަސްތީނާއެކުކަން ދިވެހި ރައްޔިތުންވަނީ މުޅި ދުނިޔެއަށް ހާމަކޮށްފައެވެ.ފައިސާއިގެ އެހީ އާއި މަގުމަތީގެ އެވުންތަކުގައި އަޑު އުފުލައިގެން ދިވެހިންވަނީ މިކަން ސާބިތުކޮށްފައެވެ.
ނިމިދިޔަ ހަފްތާގައި މަޖިލިސް ތަޅުމުގައި ވަރަށް ބާރަށް އަޑުހަރުކޮއް އިސްރާއީލް ބޮއިކޮޓްކުރުމައް މަޖިލިސް މެންބަރުން ގޮވަމުންދިއައެވެ.ނަމަވެސް މިކަންކުރުމައްޓަކައި ހުށައެޅި ބިލްވަނީ މަޖިލިސް ތަޅުމުން ބޭރުކުރައްވާފައެވެ.ނިމިދިޔަ ބުރާސްފަތި ދުވަހު އާއްމު ރައްޔިތުން މަޖިލިސްކުރާ ގޭދޮށުގައި ވަނީ ނުރުހުން ފާޅުކޮށްފައެވެ.ދެން ފެނުނީ މިއަށް ވުރެވެސް އަޖައިބު ކުރަނިވި މަންޒަރެއްކެވެ.
ފަލަސްދީނުގެ ރައްޔިތުންގެ އިހުސާސް އިނގޭ ކަމަށް ބުނެ ލޮލުން ކަރުނައަޅައި ތަންތަނުގައި ބަސްވިދާޅުވެ، ރަސްމިއްޔާތުތަކުގައި ފަލަސްދީނުގެ ދިދަ ރަމްޒުވާ ފޮތިކޮޅު ތުރުކުރައްވާ ބޭފުޅުންގެ ކިބައިން ފެނިގެން ދިއައީ ހީވެސްނުކުރާ މަންޒަރެކެވެ.ބަހާއި އަމަލާއި ދިމާ ނުވާ ކަހަލަ އެވެ.
އަހަރެމެންގެ އަހުން ކަތިލާ ބޮލައް ބަޑިޖަހާ ދިރިއުޅުމަށް ބޭނުންވާ ޒަރޫރީ ބޭނުންތަކުން މަހުރޫމުވެ، ރޭގަނޑު ގެ ފިނީގައި އެއްވެސް ނިވަލެއް ނެތި ތުއްތު ކުދިން ރޮމުން ދަނިކޮއް ރާއްޖޭގައި އުފާފާޅުކޮއް ހަވާއެރުވި މަންޒަރެވެ.
މީ އަޅުގަނޑުމެން ހިތާމަކުރަން ޖެހޭކަންކަމެވެ.ދެއްކުންތެރިކަމުގެ ގޮތުން ކަންކަން ކުރުމަށް ވުރެ ނުކޮއް ތިބުންވެސް ހެޔޮވާނެއެވެ.މިއަދު އަހަރެމެން މުސްލިމުން ޖެހިލުންވާންވީ ކޮންބައެއް ދެކެހެއްޔެވެ.؟
ދިވެހި ސަރުކާރަށް ވެސް އިސްރާއީލާ ގުޅުން ކަނޑާނުލެވެންވީ ކޮންސަބަބަކާއި ހުރެ ހެއްޔެވެ؟
މިއަދު އަހަރެމެންގެ ދީނާ އަހަރުމެންގެ އަހުންނައްޓަކައި ކުރެވެން އޮތްކަމެއް ކުރަން އެބަޖެހެވެ.ފޮތިކޮޅު ތުރުކުރެއްވިއަސް އަދި އެކަން ކުރެވުނީކީ ނޫނެވެ.ހަވާ އެރުވުމާއި މިއުޒިކު ޝޯތަކާއި އުފާފާޅުކުތުން މަޑުޖައްސާލެވެން ނެތީ ހެއްޔެވެ.މިއަދަކީ އުފާ ފާލުކުރުން އެންމެ މުނާސަބު ވަގުތެއްނޫނެވެ.ވަކި ސަރުކާރެއް، ޕާޓީއެއް ،ވަކި މީހަކު ނުކިޔާ އެންމެން ގުޅިގެން މިއަދު އިސްރާއީލްއާ ދެކޮޅަށް ކުރެވެން ހުރި ހުރިހާ ކަމެއް ކުރަންވީ ނޫން ހެއްޔެވެ.ފަލަސްދީނުގެ ހައްޤުގައި ހަމަ ހަޤީގަތުގައި ވެސް ތެދުވަން ބޭނުން ނަމަ މުޅި ގައުމުގައި ބޮޑު ޖަމާޢަތުގައި ދުޢާ ކުރުންވެސް ހަވާއެރުވުމައްވުރެ މާ އަޢުލާކަން ބޮޑުވާނެއެވެ.
What's Your Reaction?
