އިޤްތިސޯދު ފުނޑިފަ،ނަމަވެސް ސައިހޮޓާ ފުރިފަ!

ދިވެހިންގެ ޒަމާންވީ ޝަކުވާއަކީ އިޤްތިސޯދު އިނދަޖެހިފައިވާ ވާހަކައެވެ.ޤައުމު ދަރަނިވެރިވެފައިވާ ވާހަކައެވެ.ދިވެހިންގެ މިޝަކުވާތަކުގެ އެންމެ ބޮޑު ޒިންމާއެއް ނަގަންޖޭހޭނީ ހުދު ދިވެހި ރައްޔިތުންނެވެ.

ލިބޭ މިންވަރު ދަނެގެން ބޭނުންތައް ބަހާލަން ޖެހެނީ ހަމައެކަނި ޅެމެއްގެ ސިފައަކައް ނޫނެވެ.މަހު މުސާރަ ތަޅާބުރުވާލުމުގެ ބަދަލުގައި ވީމިންވަރަކުން އެންމެ ކުޑަކޮއް ހަރަދުކޮއް،ކޮންމެވެސް މިންވަރަކައް އާމްދަނީ ރައްކާކުރާނަމަ މީހުންކައިރީ ސަލާޖަހާ ނުވަތަ ދަރަންޏައް ރުފިޔާނަގާކައް ނުޖެހޭނެއެވެ. އަދި އެންމެ ފަހުގެ ފޯނުގަތުމަށް ނަގާ ލޯނަކީ ހަގީގަތުގައި ތިމާގެ އަތުގައި އަމިއްލައައް އަޅުވާ ކަސްދޮޅެކެވެ.މިދެންނެވީ މަހަކު 8000ރުފިޔާ ލިބޭ އައިދާގެ ހުސްހަށިބައި ދިވެހި ޒުވާނުންގެ ހާލަތެވެ.

ކޮންމެ މުނާސަބަތަކައް ގޭގެ ފަރުނީޗަރު ބަދަލުކުރުމުގެ ގޮތުން ރަމަޟާންމަހު އަރަބި ތީމައްބަހައްޓާ،ޗުއްޓީ ދުވަސްކޮޅު ހަވާއީ ތީމްއައް ބަދަލުކުރުމަކީ މިހާރު ދިވެހިން ކިބިއްސެއް އަޅާހެން ކުރާކަމަކައްވަނީ ވެފައެވެ.އައު ފިލްމެއް ނެރުމުން ދިވެހިން ފިލްމު ބަލައިލަން ސިނަމާއައް ގޮސް ނިންމާލަނީކީނީނޫނެވެ.އެރެއައް ހާއްސަ ލީޑްރޯލްއާ ގުޅޭގޮތައް ހެދުންއަޅާހަދައެވެ.މީކިތަންމެ އަދައިގެ ކަމެއްކަމުގައި ހީވެފައި އޮތަސް މީ ވަރަށް ބޮޑެތި އިސްރާފްއެ ވަރަށް ބޮޑެތި ހަރަދެވެ.

ދިވެހިން ގަބޫލުކުރަންޖެހޭ ހަގީގަތަކީ ދިރިއުޅުމުގެ ވައްޓަފާޅިއާއި ހަރަދުތައްކޮއް އުޅޭ އުޅުމުން ދިވެހިންގެ އިގްތިސޯދު ފުޑިފައިވާހެނެއް ހިޔެއްނުވެއެވެ.މިއަދު ދިވެހިން މަސައްކަތް ކޮއްގެން ހޯދާ އާމްދަނީ އައްވުރެ ކުރާ ބޭކާރު ހަރަދުތައް ގިނައެވެ.އަތްމަތި ދަތިއިރުވެސް ލާންވަނީ އެންމެ އަގުބޮޑުހެދުމެ،ދުއްވަންވަނީ އެންމެ އަގުބޮޑުސައިކަލެ،ގެންގުޅެންވަނީ އެންމެ އަގުބޮޑު ފޯނެ،އުޅެންވަނީ އެންމެ އަގުބޮޑެތި ގޭގޭގައެވެ.

ވީއިރު އަގުބޮޑެތި ސައިހޮޓާތައް ފުރިފައިވާ ހިނދަކު ދިވެހިން ރަގަޅުވާނީ ގައުމު ދަރަނިވެރިވެއްޖެޔޭ ނޫނިއްޔާ ރައްޔިތުން އިދަޖެހިއްޖެޔޭ ގައުމުގެ އިގްތިސޯދު ފުޑިފައިވާ ވާހަކަ ހަރުހަޑުން ނުދެއްކީޔާއެވެ.