ފުއްދައިނުދެވުނު ނަލަންދޫ ވައުދު

ނަލަންދޫ ރިސޯޓް ތަރައްގީކުރުމަކީ ކުރީގެ ރައީސް އިބްރާހިމް މުހައްމަދު ސޯލިހާއި، ރައްޔިތުންގެ މަޖިލީހުގެ މެމްބަރު ރިޒާ ފަދަ ސިޔާސީ އެކި ބޭފުޅުންގެ ކެމްޕޭން ވައުދުތަކުގައި ތަކުރާރުވާ މައުޟޫއެކެވެ. ފަތުރުވެރިކަމުގެ ދާއިރާއާއި ލޯކަލް އިގްތިސާދަށް ލިބޭނެ ބޮޑު ކުރިއެރުމެއްގެ ގޮތުގައި ފާހަގަކޮށްފައިވާ މި މަޝްރޫއަށް ގިނަ ލަސްތަކާއި ނާކާމިޔާބީތަކެއް ކުރިމަތިވެ، ސިޔާސީވެރިން ޖަވާބުދާރީވުމާ މެދު އާންމުންގެ ހިތްހަމަނުޖެހުމާއި ޝައްކު އުފެދިފައިވެ އެވެ.

ކުރީގެ ވެރިކަމުގައި މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)ގެ ރައީސް ރައީސް ސޯލިހު ވަނީ ކެމްޕެއިންގައި ނަލަންދޫ ރިސޯޓް މަޝްރޫއުގެ މުހިންމުކަމަށް އަލިއަޅުވާލައްވާ، އެ ތަރައްގީއަކީ އެމަނިކުފާނުގެ ވެރިކަމުގައި އިސްކަންދޭނެ ކަމެއް ކަމަށް ދާއިރާއަށް ޔަގީންކަން ދެއްވައިފަ އެވެ. ހަމައެފަދައިން، އެ މަޝްރޫޢު ކާމިޔާބުވާނެ ކަމުގެ ޔަޤީންކަން ތަކުރާރުކޮށް ރައްޔިތުންނަށް މެމްބަރު ރިޒާވެސް ވަނީ ދެއްވާފައެވެ.

އިންތިޚާބުގެ އެތައް ދައުރެއްގެ ތެރެއިން ތަކުރާރުކޮށް ވެވުނު މިވައުދަކީ ފުއްދައިނުދެވޭ ވައުދުތަކުން ވަރުބަލިވެފައިވާ ރައްޔިތުމީހާގެ މެދުގައި ޚިޔާލުތަފާތުވުންތަކެއް އުފެދިފައިވާ މައުޟޫއެކެވެ. ނަލަންދޫ ރިސޯޓާ ގުޅޭ ސިޔާސީ ވާހަކަތަކަކީ އަސްލަކައްވުރެ ބޮޑަށް ވޯޓު ހޯދުމަށް ބޭނުންކުރާ ވަސީލަތެއްގެ ގޮތުގައި ބެލެވިފައިވެއެވެ ނަލަންދޫ ރިސޯޓް ތަރައްގީ ކުރުމުގެ ވައުދު ފުއްދައި ނުދެވޭނަމަ މަގާމުން އިސްތިއުފާ ދެއްވާނެ ކަމަށް ސިޔާސީ ބޭފުޅުން ވައުދުވެފައިވެސްވެއެވެ. މި ވާހަކަތަކަކީ އިންތިޚާބުކުރާ ފަރާތްތަކުގެ މެދުގައި އިތުބާރު އުފެއްދުމާއި، އެމީހުންގެ ބަހަށް އިތުބާރު އޮތްކަން ދައްކުވައިދިނުމަށް ކުރެވުނު މަސައްކަތެއްގެ ގޮތުގައި އާއްމުން ދެކެއެވެ.

ނަމަވެސް އަދިވެސް އެ މަޝްރޫއު ޙަޤީޤަތަކަށް ނުވުމާއެކު، މި ސިޔާސީ ބޭފުޅުންނަށް އޮތް ޕްރެޝަރު ވަނީ އިތުރުވެފައެވެ. ޖަވާބުދާރީވުމަށް އާންމުންގެ ޑިމާންޑް ބޮޑުވަމުން އަންނައިރު، މި ލީޑަރުންގެ ނަޒާހަތްތެރިކަމާއިމެދު އާއްމުން ސުވާލުއުފައްދައެވެ. މިފަދަ ބޮޑު ވައުދެއް ފުއްދައި ނުދިނުމަކީ ސިޔާސީ ނިޒާމާއި އެ ނިޒާމުގެ ތެރޭގައި ތިބި ފަރުދުންނަށް ކުރާ އިތުބާރު ގެއްލިގެން ދިއުމުގެ ފުރުސަތު އޮތް ކަމެކެވެ.

މިހާރުގެ ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުއާއި، އެމަނިކުފާނުގެ ވެރިކަމުގެ ޒައާމަތުގައި، ނަލަންދޫ ރިސޯޓް މަޝްރޫޢާ ގުޅިގެން އުފެދިފައިވާ ކަންބޮޑުވުންތަކަށް ހައްލެއް ހޯދުމުގެ ފުރުޞަތު އެބައޮތެވެ. މާލޭ ސިޓީގެ ކުރީގެ މޭޔަރު އަދި ހައުސިން މިނިސްޓަރުގެ މަގާމުގައި ކުރިން ހުންނެވި މިހާރުގެ ރައީސް މުއިއްޒަށް އިންފްރާސްޓްރަކްޗާ އާއި ޑިވެލޮޕްމަންޓްގެ ތަޖުރިބާ ލިބިވަޑައިގެންފައިވުމުން އެ މަޝްރޫއު އަލުން ރީސޭޕްކޮށް، ވައުދުތައް ފުއްދުމުގައި ސަރުކާރުގެ ގާބިލްކަމާ މެދު އިތުބާރު މިސަރުކާރައް ގާއިމް ކުރެވިދާނެ އެވެ. އެހެން ނަމަވެސް އެއީ މިސަރުކާރުގެ ވައުސެއްނޫނެވެ. މިސަރުކާރުގެ ވައުދަކީ މިލަންދޫގައި އެއަރ ޕޯރޓެއް ތަރައްްޤީކުރުމެވެ.