މެޑަމް ފަޒްނާގެ އިލްތިމާސް ރައްޔިތުންނަށް - ވޯޓްގެ ކުރިން ވިސްނާލަން

ލޮބުވެތި ދިވެހިރައްޔިތުން،

އެއް ހާސް ކަންތައް ރަނގަޅަށް. ވެފަ އޮތަސް ނުވާ އެއްކަމެއްގެ ވާހަކަ ބޮޑަށް ދެއްކުމަކީ އިންސާނީ ތޮބިއްޔަތެވެ. އަޅުގަނޑު ވަރަށް އާދޭހާއެކު ދަންނަވަމެވެ. މިވަގުތައް ނުވެއޮތްކަމެއްގެ މައްޗަށް ބަރޯސާވެ މާދަމާ އަޮންނަ ރިޔާސީ އިންތިޚާބުގެ ވޯޓް ނުނިންމާށެވެ. މިސާލަކަށް ތައުލީމަށް ލިބޭ ލޯނު ހަމަޖެހިފައިވިޔަސް ލޯނު އަދި ޖަމާނުވާތީ، ގޯތި ލިބިފަވިޔަސް ގުޅީފަޅުން ލިބުނީމަ، ކުއްޖަކު ބަންދުން ދޫކޮށްނުލައިގެން، ނޫނީ ރައީސް އިބޫ ހޮވިއްޖެނަމަ އަދިވެސް ހަމަ އެވެރިމީހާ އެ މުއައްސަސާގައި ހުރެދާނެތީ ކަންބޮޑުވެގެން. ރައީސް އިބޫއަށް ވޯޓްނުލާ ދޫކޮށް ނުލާށެވެ. ސަބަބަކީ ތިހުރިހާ ބޭފުންވެސް އެއްބަސް ވާ ގޮތުގައި ރައީސް އިބޫއަކީ އޯގާތެރި، މީހުންގެ އަޑުއައްސަވާ ، އެއްވެސް މީހެއްވެސް އެއްވެސް ރަށެއްވެސް ތަފާތުނުކުރައްވާ ބާކީ ނުކުރައްވާ ކަންތައްތައް ކޮށްދެއްވާ ވެރިއަކަށް ވާތީއެވެ. ވީމާ ކޮންމެ ކަމަކީވެސް ޤާނޫނާއި ރައީސް އިބޫ އަޑުއައްސަވާ ޤާނޫނާއި ޤަވާއިދުގެތެރެއިން އޮންނަ އުސޫލުން ހައްލުކުރައްވާނެ ކަންކަމެވެ.  

އިންތިޚާބުގެ ފުރަތަމަ ބުރާ ދެވަނަ ބުރާ ދެމެދުވެސް އެކިއެކި ގްރޫޕްތަކުގެ ކަންބޮޑުވުންތައް އަޑުއައްސަވާ މިވަގުތައް ކޮއްދެއްވެން ހުރިކަންކަން ކޮށްދެވިކަން އެއީ ޙަޤީގަތެވެ. ކޯވިޑް 19 ގެ ބަލިމަޑުކަމުގައި ވެސް އެއްވެސް މީހަކަށް ތަފާތުކުރުމެއްނެތި ކަންކަން ހަމަޖައްސަވާ ދެއްވާ ، ސިއްޙީ ގޮތުންނާ އިޤްތިސާދީ ގޮތުން ޤައުމު ސަލާމަތުގެ އައްސޭރިއަށް ގެންގޮސްދެއްވިކަން އެއީ ފެންނަން އޮތް ޙަގީގަތެވެ. . ބަޔަކު ކިތަންމެ ނަފުރަތެއް އުފަންދަން ދޮގުވާހަކަ ފެތުރިޔަސް ބޭރުގެ ބަޔަކަށް ޤައުމު ވިއްކާ ނުލާކަން އެއީ ފެންނަން އޮތް ޙަޤީގަތެވެ. ޤައުމުގައި އޮތީ އިސްލާންދީންކަން އެއީ ފެންނަށް އޮތް ޙަގީގަތެވެ.. ސިޔާސީ ހަލަބޮލިކަމާ ގައުމުގެ ކްރައިމް ރޭޓްދައްވެ، މަގުތަކަށް އަމާންކަން ގެނެސްދެއްވިކަން އެއީ ފެންނަން އޮތް ޙަގީގަތެވެ. 

ޤައުމުގައި ހަމަޖެހުންނެތި ކުރެވޭނެ އެހެން ކަމެއްނޯންނާނެއެވެ. ވީމާ ނުވެހުރި ޒާތީ ބައެއް ކަންކަން ކޮއްދެއްވާނެކަމާމެދު ޝައްކު ނުކުރައްވާށެވެ. ރައީސް އިބޫއަށް އިތުބާރު ކުރައްވާ ޤައުމުގެ ހަމަޖެހުމަށާއި އަނިޔާ ވެެރިކަމަށް އަބުރާ ރުޖޫއަ ނުވުމަށް ހުރިހާ ބޭފުޅުން މާދަމާ ކެންޑިޑޭޓް 3️⃣✅ ވޯޓްދެއްވާށެވެ. އިރާދަކުރެއްވިއްޔާ މި 5 އަހަރަށް ވުރެވެސް އަމާން އުފާވެރި ރާައްޖެއެއް އަޅުގަނޠުމެނަށް ރައީސް އިބޫގެ ދެވަނަ ދައުރުގައި ލިބޭނެއެވެ. 

މީހަަކު ފޯނުކުރަންދެން ނޫނީ ވޯޓްލާންދާން ބަލާއަންނަންދެން ނުތިއްބަވާ ފަރުދީ ޒިންމާ އަދާކުރައްވާށެވެ. ވޯޓަކީ އަޅުގަނޑުމެނަށް ބަސްބުނަން ލިބޭ އެންމެ ބޮޑުބާރެވެ. ވަގުތީ އުފަލަކަށް ވޯޓް ވިއްކާ ނުލައްވައްޗެވެ. ވާރޭވެހުނަސް އަވިދިނަސް ދަރިފުޅު ކިހިލި ޖަހައިގެންވެސް ގޮސް އަސުރުގެ ކުރިން 3️⃣✅ ވޯޓްލާ ނިންމާ ލާށެވެ.  

އަޅުގަނޑުގެ ދުޢާ އަކީ އެންމެހާ ދިވެހިންނަށް ހެޔޮވިސަނުންދެއްވާ 30 ސެޕްޓެމްބަރުގައި އެންމެން ނިކުމެ އިބޫއަށް ވޯޓްއަޅާ މިއިންތިޚާބު ކާމުޔާބުމެވެ.  

ރައީސް އިބުރާހިމް މުހައްމަދު ޞާލިހު އަށް މާދަމާއޮންނަ ރިޔާސީ އިންތިޚާބުގައި މާތް ﷲ ފުރިހަމަ ކާމިޔާބީ މިންވަރުކޮށްދެއްވާށި. . އާމީން . 

 حَسْبُنَا ٱللَّهُ وَنِعْمَ ٱلْوَكِيلُ