މާލޭގެ މަގުގައި ހުރި ހޮޅި ހުންނަންޖެހޭނީ އަޑީގާ:ރައީސް
އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހު، އިދިކޮޅު ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒަށް މިއަދު ވަރަށް ބޮޑަށް ފާޑުވިދާޅުވަމުން ވިދާޅުވީ ނަޖިސް ފެން ބޭރުކުރުމަށް މާލޭގެ މަގުތައް މަތީގައި ބަހައްޓާފައި ހުރި ހޮޅިތައް ބިމު އަޑިއަށް ލާން ޖެހޭ ކަމަށްށެވެ.
ރައީސްގެ ކެމްޕެއިނަށް ހދ. ނޭކުރެންދޫގައި ބޭއްވި ޖަލްސާގައި އެމަނިކުފާނު ވިދާޅުވީ އިދިކޮޅު ކޯލިސަންގެ ވިސްނުމަކީ އުސްކޮށް އިމާރާތްތަކެއް ހަދައި އާންމުންނަށް ދައްކަން ބެހެއްޓުންކަމަށެވެ.އެއީކީ ހަގީގީ ތަރައްގީ ނޫންކަމަށެވެ.
އެމަނިކުފާނު ވިދާޅުވިގޮތުގައި ،ފެނާ،ނަރުދަމާޔާ ބަނދަރުގެ ހިދުމަތްތައް ފުރިހަމަވެފައި ނެތް ރަށްރަށުގައި މީހުން ދިރިއުޅެނީ ވަރަށް ހާލުގައި ކަމަށާއި މާލޭގައި ދިރިއުޅޭ މީހުންނައް މިދަތިތައް ހިސާސްނުކުރެވިދާނެއެވެ. ރަށްރަށަށް ބޭނުންވާ އެންމެ އަސާސީ ހިދުމަތްތައް ކަމަށްވާ ފެނާއި ނަރުދަމާ އާއި ކަރަންޓު އަދި ބަނދަރު ހަދައިދިނުން އެއީ މިސަރުކާރުން ގެނެސްދިން ތަރައްގީކަމައްވެސް އެމަނިކުފާނު ވިދާޅުވިއެވެ.
މާލޭގެ މޭޔަރު ކަން ވެސް ކުރައްވާ މުއިއްޒަށް، ރައީސް ފާޑުވިދާޅުވަމުން ވިދާޅުވީ، "އިދިކޮޅުން ބޭނުންވަނީ އުސްކޮށް ހަދާ އިމާރާތްތައް ރައްޔިތުންނަށް ފެންނަ ގޮތަށް ބަހައްޓަން. އެހެން ނަމަވެސް މިއަދު ބިމު އަޑީގައި މި ވަޅުލެވޭ ހޮޅިތަކުން، މާލޭގައި ވިއްޔާ ފެންނާނީ ހޮޅިތައް މަތީގައި. އަޅުގަނޑުމެން އަދި މި ކުރަނީ ބިމު އަޑީގައި. އެހެންވެގެން ކަންނޭނގެ މި ގެންނަ ތަރައްގީ ނުފެންނަނީ،".
ރައީސްވަނީ އަންނަދައުރުގައި މާލޭގައި އަޅައިފައިވާ ހޮޅިތައް އަޑިއައް ލުމުގެ މަސައްކަތް ކުރައްވާނެކަމައް ވިދާޅުވެފައެވެ.
"މާލޭގައި ވެސް ޖެހޭ އަޅުގަނޑުމެން ހޮޅިތަށް އަޑިއަށް ލާން. ޓްރީޓްމަންޓް ސިސްޓަމެއް އެތަނުގައި ބަހައްޓާ މޫދަށް އެރޭ ސަރަހައްދު ފަތާ ޓްރެކްގެ ތަޣައްޔަރުވެފައި އޮތް ފެންގަނޑު އެބަޖެހޭ ރަނގަޅު ކުރަން،" ރައީސް ވިދާޅުވި އެވެ.
ރައީސްވަނީ މިމޭރުމުންވާހަކަފުޅުދައްކަވަމުން އިދިކޮޅު ކޯލިސަންގެ ކެޑިޑޭޓައް ވަރައްބޮޑައް ފާޑުވިދާޅުވެފައެވެ.
What's Your Reaction?
