ކެމްޕޭން ވަރުގަދަކޮށް، އާޒިމާއައް އިންތިހާބު ކާމިޔާބުކޮއްދިނުމައް މާފަންނު މެދުގެ ޓީމުން މަސަތްކަތް ފަށައިފި
ވެރިކަން ކުރާ ޕީޕީއެމް/ޕީއެންސީގެ ޓިކެޓުގައި ކުރިޔަށް އޮތް މާލޭ ސިޓީ ކައުންސިލްގެ މޭޔަރު ކަމަށް ވާދަކުރައްވާ، ކުރީގެ ބަންޑާރަނައިބު އަޒިމާ ޝަކޫރުގެ ކެމްޕޭން ވަރުގަދަކުރުމައް މާފަންނު މެދުދާއިރާގެ ކެނޑިޑޭޓުންނާއިއެކު ޓީމް އެކުލަވާލައިފިއެވެ. މިޓީމްގައި އިސްކޮއް ހުންނަވަނީ މިހާރުގެ ފޮރިން މިނިސްޓަރ ޑރ މޫސަރ ޒަމީރް އެވެ. މޭޔަރުގެ ގޮނޑިއަށް ބޭފުޅަކު އިންތިހާބު ކުރުމަށާއި ހުސްވެފައިވާ ތިން ދާއިރާ އަށް ބޭފުޅުން އިންތިހާބު ކުރުމަށް ބާއްވާ ބައި އިލެކްޝަން އޮންނާނީ އަންނަ މަހުގެ 13 ގައެވެ. މިހަރަކާތުގައި ޕީޕީއެމް ޕީއެންސީގެ މަޖިލިސް ޓިކެޓައް ވާދަކުރާ ކެނޑިޑޭޓުން އިސްރޯލެއް އަދާކުރާނެކަމައް އެދާއިރާއައް ވާދަކުރާ އެއް ކެނޑިޑޭކަމައްވާ ޝިހާން ވިދާޅުވެއެވެ. ޝިހާން އިތުރައް ވިދާޅުވީ އާޒިމާގެ ކެމްޕެއިންގެ ކަންކަމާއި އާޒިމާއައް ވޯޓްހޯދަންޖެހޭ އެހެނިހެން ކަންކަން އެކުލަވާލައި މަސަތްކަތް ފެށިފައިވާކަމަށެވެ. އަދި ކުރެވެން ހުރި ހުރިހާކަމެއް ކޮއްދޭނެކަމާއި އޭނަގެ ޓީމް އާޒިމާއައް ވޯޓްހޯދަން ކުނަްޖެހުނު ކޮންމެ ކަމެއްގައި ސާބިތުވާނެ ކަމައް ވިދާޅުވިއެވެ.
What's Your Reaction?
