ވީ ވައުދާ އެއްގޮތަށް ކަމެއް ނުވުމުން ނުވަތަ ކުރަން ނޭގުމުންބަހަނާއަކަށް އަބަދު ކުރީ ސަރުކާރަށް ފޫޅުކެނޑުންވެސް ހަމައެއް ނުޖެހޭ

ކުރީ ސަރުކާރުގެ ވެރިކަމުގެ ފުރަތަމަ ދުވަސްކޮޅު "ކަޅުބިލަ" މަހުގެ ކިލޯއެއް ހުރި 16 ރުފިޔާއަށް ކަމަށާއި ނަމަވެސް 2023 ވަނަ އަހަރުގެ ރިޔާސީ އިންތިހަބަށް އަހަރެއް ވެފައިވަނިކޮށް މަސް ކިލޯއެއްގެ އަގު 17 ރުފިޔާއަށް ހެދި ކަމަށް ޝިޔާމް ވިދާޅުވިއެވެ.

ކުރީސަރުކާުން ރައީސް އިބްރާހިމް މުހައްމަދު ސޯލިހުގެ ސަރުކާރުން ވެރިކަމުގައި ތިބެގެން ގިނަ އަދަދެއްގެ ފައިސާ ޗާޕުކޮށްގެން ވެސް މަސްވެރިންނަށް އެންމެ ފައިސާ ފޮއްޗެއް ވެސް ދީފައި ނުވާކަމަށްވެސްވިދާޅުވިއެވެ.

ކުރީސަރުކާރުން ފައިސާ ޗާޕު ކުރުމުގެ ބޭނުމުގައި ކުރީ ސަރުކާރުން ހަރަދަށް ޒިންމާވާ ޤާނޫނުގެ 33 ވަނަ މާއްދާގެ (ހ)، (ރ)، (ބ) އަދި (ޅ) ސަސްޕެންޓް ކުރި ކަމަށް ޝިޔާމް ވިދާޅުވިއެވެ.

ކުރީ ސަރުކާރުން 16 ރުފިޔާއަށް އަދި 17 ރުފިޔާއަށް މަސް ގަތްއިރު، ފައިސާ ދައްކާފައިވަނީ ޗާޕުކޮށްގެން ކަމަށް  ޝިޔާމް ވިދާޅުވިއެވެ.

ކުރީ ސަރުކާރުން ރިޔާސީ އިންތިހާބުގެ ދެވަނަ ބުރަށް 2 ވަރަކަށް ހަފްތާ ވެފައި ހުއްޓާ ސިޔާސީ ބޭނުމަށް، ކަޅުބިލަ މަހުގެ އަގު ކިލޯއެއް 25 ރުފިޔާއަށް ހެދި ކަމަށް ޝިޔާމް ވިދާޅުވިއެވެ.

ކުރީ ސަރުކާރުން ވަނީ އެ ވެރިކަމުގައި 8 ބިލިއަން ރުފިޔާ ޗާޕުކޮށްފައިކަމަށްވެސް ވިދާޅުވިއެވެ.