އުމުރާއަށް ދިއުމަށް ފަހު އަބުރާ ރާއްޖެ ނާދެވި ތާށިވި އުމުރާވެރިން ރާއްޖެ ގެނެސްފި
އުމުރާއަށް ދިއުމަށް ފަހު އަބުރާ ރާއްޖެ ނާދެވި ތާށިވި ހުރިހާ އުމުރާވެރިން ސަރުކާރުން އަބުރާ ރާއްޖެ ގެނެސްފިއެވެ.
އިސްލާމިކް މިނިސްޓްރީއިން ވިދާޅުވެފައިވަނީ މައްކާގައި ރާއްޖެ ނާދެވި ތާށިވި ހުރިހާ އުމްރާވެރިން ރާއްޖެ ގެނެވިފައިވާކަމަށެވެ. މި 23 އުމްރާވެރިންނަކީ އަލްހިޖްރަ ޓްރެވަލް އެންޑް ޓްއާރސް ޕްރައިވެޓް ލިމިޓެޑް ގެ ހަވާލުގައި މިދިޔަ ޑިސެންބަރު އުމްރާއަށް ދިޔަ ފަރާތްތަކެވެ. މި ގުރޫޕްގެ ހަވާލުގައި އުމްރާއަށް ދިޔަ ފަރާތްތަކަށް އެބުރި ރާއްޖެ ނާދެވި ތާށިވީ ދަތުރުވެރިންގެ އަތުން ފައިސާ ނެގުމަށްފަހު ދެކޮޅު ޓިކެޓް ހަމަނުޖައްސާ އެފައިސާ ކުންފުނިން އެހެން ބޭނުމަކަށް ހަރަދު ކުރުމުންނެވެ.އަދި މިކަން މިގޮތަށް ހިނގާފައިވާ ކަމަށް ކުންފުނިން އެބަސްވެފައިވެއެވެ.
އިސްލާމިކް މިނިސްޓްރީ އިންވަނީ މިކަމާގުޅިގެން އަލްހިޖްރަ ޓްރެވަލް އެންޑް ޓްއާރސް ޕްރައިވެޓް ލިމިޓެޑް އަށް ހަރުކަށި ފިޔަވަޅުތަކެއް އަޅާފައެވެ. އެގޮތުން އެގުރޫޕަށް ދީފައިވާ ހުއްދަވަނީ ހިފަހައްޓާފައެވެ.އަދި ދިވެހި ރުފިޔާ އެއްލައްކައިން ވަނީ ޖޫރިމަނާވެސް ކޮށްފައެވެ.
What's Your Reaction?
