ރާއްޖެ އަކީ ޗައިނާގެ ގާތް ގައުމެއްގެ ގޮތުގައި އޮތުމަށް ތައްޔާރު ކަމަށް ރައީސް ޑރ. މުއިއްޒު ވިދާޅުވެއްޖެ
ރައީސް ޑރ.މުއިއްޒު ވަނީ ޗައިނާގެ ފޮރިން މިނިސްޓަރު ވަންގް ޔީ އާއެކު މަޝްވަރާ ބައްދަލުވުމެއް ވަނީ ބާއްވާފައެވެ.
ރައީސް އޮފީހުން މައުލޫމާތު ދެއްވި ގޮތުގައި މިދިޔަ ހުކުރު ދުވަހުގެ ހަވީރު ޗައިނާގެ ސީޕީސީ ސެންޓްރަލް ކޮމިޓީގެ ޕޮލިޓިކަލް ބިއުރޯގެ މެންބަރު، އޮފީސް އޮފް ދަ ސެންޓްރަލް ކޮމިޝަން ފޯ ފޮރިން އެފެއަރޒްގެ ޑިރެކްޓަރ، ޚާރިޖީ ވަޒީރު ވާންގް ޔީ ، ވަނީ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުގެ އަރިހަށް އިޙުތިރާމުގެ ޒިޔާރަތެއް ކުރައްވައިފައެވެ. އަދި މިބަދަލް ކުރެއެއްވުމުގައި ރައީސް ވަނީ ދެޤައުމުގެ މެދުގައި އޮތް ގާތްގުޅުން ފާހަގަކުރައްވައި ޗައިނާއިން ދިވެހިރާއްޖެއަށް ދެއްވަމުން ގެންދަވާ އެހީތެރިކަމަށް ޝުކުރު އަދާކުރައްވާފައެވެ. އަދި އޭގެ އިތުރުން ރައީސުލްޖުމްހޫރިއްޔާ ވަނީ ހިނގަމުންދާ މަޝްރޫޢުތަކާއި ދެޤައުމުގެ މެދުގައި އެއްބަސްވެވިފައިވާ ތަރައްޤީގެ މަޝްރޫޢުތައް އަވަސްކުރުމުގެ މުހިންމުކަމުގެ މައްޗަށް އަލިއަޅުއްވާލައްވާފައިވާކަމަށް ރައީސް އޮފީހުން މައުލޫމާތު ދެއްވާފައިވެއެވެ. މި ބަދަލުވުމުގައި ޗައިނާގެ ޚާރިޖީ ވަޒީރު ވާންގް ޔީ ދެޤައުމުގެ ގުޅުން ބަދަހިކުރެއްވުމަށް ރައީސުލްޖުމްހޫރިއްޔާ ދެއްވާ އަހަންމިއްޔަތުކަމަށް ތަޢުރީފްކުރައްވާފައިވެއެވެ.
What's Your Reaction?
