ސިޔާސީ ވިއަސް ޒާތީ ނުވާށެ

ނުބެހޭކަންތަކާ ނުބެހި ދޫކޮށްލުމުން،ބެހޭކަންތަކާ އަޅާ ލުމަށް ވަގުތުއޮނާނެއެވެ.ޖެހިގެން  އޮތްގޭ ފުޅަށް  ބުޑުގައި ވަނީ ކޮންކަމެއްތޯ ބަލަން ވެއްޖިއްޔާ އަމިއްލަ ގޯތިތެރެ ނަޖިސްވާ އިރުވެސް ތިމާއަށް ނޭނގޭނެއެވެ.ތެދެކެ ގައުމުގައި ހިނގާ އެންމެހައި ކަންކަމެއް ހޯދާބެލުމާއި އެކަންކަމާއިމެދު އަމިއްލަ ރަޢުޔު ހިއްސާ ކުރުމަކީ ކުށެއްނޫނެވެ.ހިޔާލު ފާޅުކުރުމުގެ މިނިވަންކަން މިގައުމުގައި އޮންނަނީ ވެސް މިސަބަބަށް ޓަކައެވެ.ނަމަވެސް ސިޔާސީ ވިއަސް،ހިޔާލުފާޅުކުރިއަސް އަދި އިހުތިޖާޖް ކުރިއަސް ޒާތީ ނުވުމަކީ ދިވެހިން ދަސްކުރަންޖެހޭ ސިފައެކެވެ.އެމީހަކު ހިތު ހުރިހާ ގޮތަކަށް އަނެކާގެ އަމިއްލަ ޒާތީ ވާހަކަތައް ދައްކާ ދެބައުޑުވަމުން ދާނަމަ،އިސާހިތަކު އުއްމުޖަމީލްގެ ނިމުން ތިބާއަށްވެސް ކުރިމަތި ވުން ގާތެވެ.

ރާއްޖޭގެ ސިޔާސީ  މައިދާނުގައި ހިނގާ ހުރިހާކަމެއްގައި އެންމެ އިސްދައުރެއް އާދާ ކުރާ ބަޔަކީ ސިޔާސީ ލީޑަރުންނެވެ.އާންމުން ފިޔަވަޅު އަޅާނީ ވެރިން ފިޔަވަޅު އަޅާ މަގުންނެވެ.ސިޔާސީ ލީޑަރުން   ޕޯޑިއަމްތަކަށް އަރައި މީހެއްގެ އަތްބަކަށް ދަރިއަކަށް ބެލުމެއްނެތި ޒާތީވެގެންގޮސް  ހެއްދެވި ނެހެއްދެވިއަށް ގޮވާއިރު އެބައެއްގެވެސް، ދުނިޔޭގެ ލަދާއި ކުރިމަތިލާނެ އާއިލާއެއްވެސް އޮންނާނެތާއެވެ.ސިޔާސީ ވެރިންނަކީ ރައްޔިތުނަށް ނަމުނޫނާ ދައްކަން ތިއްބަވާބައެކެވެ. ނަމަވެސް ގިނަ ސީޔާސީ ލީޑަރުން ދައްކަވަނީ ރީތި  ނަމޫނާއެއް ނޫނެވެ.

ސިޔާސީ ލީޑަރުން ވާހަކަ އެއްކޮޅުގައި ބާއްވާފައި، ރައްޔިތުންގެ ވާހަކަ ދައްކަމާތޯއެވެ.މިދުވަސްވަރު ސޯސަލް މީޑިއާ ހުޅުވާލުމުން ފެންނާނީ އަބަދުވެސް ސިޔާސީ މަގްސަދެއްގައި ކޮންމެވެސް މީހެއްގެ  އަބުރު ކަތިލާތަނަނެވެ.އެގޮތުން ފާޑު ފާޑުގެ ބޭއަދަބީ ބަސްބޭނުންކޮށްގެން ކާޓޫން ހެދުމާއި،މީހުންގެ ޒާތީ ދިރިއުޅުމުގެ ވާހަކަތައް ލިޔެ ހަދައިތަންފެނެއެވެ.މީގެ ސަބަބުން އެތައް އާއިލާއެއް ރޫޅި،އެތައް އާއިލާއެއް ނަފްސާނީ ނުތަނަވަސްކަމަކާ ކުރިމަތި ލާންޖެހެވެ.އެތައް ކުދިންނެއް ހަނގާގެ ޝިކާރައަކަތްވެއެވެ.

ހިޔާލު ފާޅުކުރަންވީއެވެ.ސިޔާސީ ކަންކަމުގައި ބަސްބުނެ އަރާރުންވެސް ވާންވީއެވެ.ހިޔާލު ތަފާތުވެ ދެބަސްވެސް ވާންވީއެވެ.ތިމާމެންނަށް އެންމެ ކަމުދާ މީހަކަށް ސަނާވެސް ކިޔަންވީއެވެ.ކަމުނުދާ މިހޭއްގެ ނުވެހުރިކަންކަންވެސް ދައްކަންވީއެވެ.ގޯސްކޮށް ކަމެއް ކޮށްފައިވާނަމަ ފިޔަވަޅުވެސް އަޅަން ވީއެވެ.ކިތަންމެ ވަރަކަށްވެސް ސިޔާސީ ވާންވީއެވެ. އެކަމަކު އެންމެ ރަނގަޅީ ސިޔާސީ ވިއަސް ޒާތީ ނުވުމެވެ.