‎މިނިސްޓްރީ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސް މިނިސްޓަރ އާދަމް ސަރީފް ، ވިއްސާރައިގެ ސަބަބުން ލިބެމުންދާ ގެއްލުންތައް ގާތުން ބަލައިލައިފި

މިނިސްޓްރީ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސް މިނިސްޓަރ އާދަމް ސަރީފް ، ވިއްސާރައިގެ ސަބަބުން ލިބެމުންދާ ގެއްލުންތައް ގާތުން ބައްލަވައި ލައްވައިފިއެވެ. އެކްސްގައި ކުރި ޕޯސްޓެއްގައި މިނިސްޓަރ ވިދާޅުވެފައިވަނި މިހާރު ރާއްޖެއަށް ކުރަމުންދާ ވިއްސާރައާއި އުދަ އެރުމުގެ ސަބަބުން ލިބެމުންދާ ގެއްލުންތަކާއި ރައްޔިތުންނަށް ކުރިމަތިވަމުންދާ ތަކުލީފުތައް، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އިރުޝާދާއި ލަފާފުޅުގެ ދަށުން، ރަަށް ރަށުގެ ކައުންސިލްތައް މެދުވެރިކޮށް މިނިސްޓްރީ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސް އިން ދަނީ ވަރަށް ގާތުން ބަލަމުންކަމަށެވެ. 

‏އަދި ކ. ހިންމަފުށީގައި ފެންބޮޑުވުމާ ގުޅިގެން ކައުންސިލްގެ ތަކެއްޗަށް ލިބިދާނެ ގެއްލުންތަކުން ސަލާމަތް ކުރުމަށް މަސައްކަތް ކުރައްވަމުންދިޔަ ކައުންސިލް މެންބަރު ވަފިއްޔާ އިބުރާހީމް ކަރަންޓްގައި ޖެހުމުގެ ސަބަބުން މާލެ ގެނައުމާއެކު، އޭނާގެ ހާލު ބައްލަވާލެއްވުމަށް މިނިސްޓްރީގެ މުވައްޒަފުން ވަނީ އޭ.ޑީ.ކޭ ހޮސްޕިޓަލަށް ޒިޔާރަތް ކުރައްވާފައި ވާކަމަށެވެ. ރައްޔިތުން ހާލުގައިޖެހި ދަތުރު ފަތުރު ހުއްޓި ، ފިހާރަތަކާއި މުދަލައް ގެއްލުންވަމުން ދިޔަ ދަނޑިވަޅެއްގައި އަދި ރައްޔިތުން ނުކުމެ ފެންހިންދުމާއި މުދާ ސަލާމަތްކުރަމުންދާ މިފަދަ ދަތި ދަނޑިވަޅެއްގައި ކޮށްލެވުނު ވަރަށް މުހިންމު މަސަތްކަތެކެވެ.