“އިންޒަތްތެރި” ކިޔަން ބޭނުންފުޅުނަމަ އަމަލުންދައްކާ:ރައްޔިތުން

ގައުމެއްގަ އެއިރެއްގެ އޮންނަ ސަރިކާރުން ރައްޔިތުންނައްޓަކައި ކޮއްދެއްވަން ނިންމާފައިވާ ކަންކަން ކުރުމައްޓަކައި ދާއިރާތަކެއް ކަނޑައެޅި އެދާއިރާ ތަކައް ހާއްސަ މަންދޫބުންތަކެއް ކަނޑައެޅިގެންދެއެވެ.އެއީ ރައްޔިތުންގެ މަޖިލިސްއައް އެދާއިރާއަކުން ރައްޔިތުންގެ ތާއީދުން ވޯޓުންހޮއްވަވާ އިއްޒަތްތެރި މެންބަރެކެވެ.

ރައްޔިތުން އިތުބާރުކޮއް ހޮއްވަވާ މަޖިލީހުގެ ގޮޑީގައި އިތްޒަތްތެރިކަމާއެކު ބައިންދަވަނީ ވަރަށް ބޮޑު އުމްމީދުތަކައިގެންނެވެ.

ދައްކާލަން މިއުޅެނީ އިތްޒަތާ އިތުބާރު ދިނުމުން މަޖިލީހުގައި އިތްޒަތާ އަބުރު ނަގާލަނީ ރައްޔިތުންނައްޓަކައި ބާވައެވެ.އެބައެއްގެ މަސްލަހަތު އޮންނަ ޕާޓީއެއްގެ ސްޓޭޑައްޓަކައި މަޖިލީހުގައި ތިޔައުޅުއްވާ ގޮތަކީ ރައްޔިތުން ބޭނުންވިގޮތެއް ނޫނެވެ.އަމިއްލަ މަސްލަހަތައްޓަކައި ސަރުކާރުން ރައްޔިތުންނައް ކޮއްދެއްވަން ބޭނުންވާ ކަންކަމާ ގުޅިފައިވާ ބިލްތަކާއި މައްސަލަތައް މަޖިލީހުގައި ނުނިމި ފުނިޖެހޭ މަންޒަރެވެ.

އެއްމެންބަރަކު އަނެއްމެންބަރާކާއި ޖެއްސުންކޮއް ބޭއަދަބީ ބަހުން ވާހަކަފުޅު ދައްކަވާ ކަރުހިފާއިރު ތިޔަމެންބަރުން ހޮއްވެވި ރައްޔިތުން ތިބެނީ ލަދުން އިސްއުފުލާލަން ނުކެރިފައެވެ.މިއަދު ތިޔައިއްޒަތްތެރި މަޖިލީސްގައި ތިއްބެވީ އިތްޒަތްތެރި މެންބަރުންކަމާމެދު ޝައްކެވެ.ތިޔަމެންބަރުން ތިޔައުޅުއްވަނީ ވަކަރުގޭ ދަރިންއުޅެހެންނެވެ.ތިޔަމެންބަރުންގެ މަސްލަހަތު ހިފެއްހެއްޓުމައްޓަކައި ގުންފައި ޖަހާ ގަދަފާ ވިއްދިއަސް މިއަދު ރައްޔިތުން ތިބީ ސަހަރޯއޭ ހިތައްއަރައަރައެވެ.

ނަމަވެސް ދެންއިތުރައް ރައްޔިތުން ތިޔަފުރުސަތެއް ނުދެއްވާނެއެވެ.ދެންމަޖިލީހައް ހޮއްވަވަން ބޭނުންވަނީ ކިޔަވައިގެން ތަޖުރިބާހުރި މަޖިލީހުގައި ހަގީގީ އިއްޒަތްތެރިންގެ ގޮތުގައި ރައްޔިތުންނައްޓަކައި މަޖިލީސް ތަމްސީލް ކުރައްވާ ޤާބިލް ބޭފުޅުންނެވެ.

އިތްޒަތާ އަބުރަކީ އަމަލުންދެއްކުމުންލިބިގެންދާނެކަމެކެވެ.އިތްޒަތްތެރި ކިޔަން ބޭނުންފުޅުނަމަ އަމަލުން ރީތި އަޙްލާގް ދައްކާށެވެ. އިޙްތިރާމް ލިބޭނީ އެހެން މީހުންނަށް އިޙްތިރާމް ކޮއްގެންނެވެ.