ކޮންމެ ވެރިއަކު ހުއްޓަސް ނަތީޖާނެރުމަށް ގާބިލްމީހުން މަގާމުތަކަށް އައްޔަންކުރާނެ, އެކަމުގައި ވަކި ޕާޓީއަކަށް ނުބަލާނެ

ސަރުކާރެއް ބަދަލްވެގެން ކެބިނެޓް އަދި ސަރުކާރުގެ އެކި އެކި މަގާމްތަކަށް ވެރިންނާއި މުއައްޒަފުން އައްޔަނު ކުރުމުގެ ބާރު ރައީސުލް ޖުމްހޫރިއްޔާއަށް ލިބިގެންވެއެވެ.އެއީ ކޮންމެ ޕާޓީއަކުން ވެރިކަމައް އައިސް ހުރި ވެރިއެއްކަމުގައި ވިއަސްމެއެވެ.

އެންމެ ހޫނުކޮއް މީހާރު ދެކެވެނީ ރައީސް މުއީޒް ވަކި ބަޔަކައް މަގާމްތައް ނުދެއްވާގެންނެވެ.ކުރީސަރުކާރުތަކުން އިބުރަތް ނަންގަވައި މިފަހަރު ރައީސް މުއީޒް އިޙްތިޔާރުކުރަމުން އެދަނީ އެމަނިކުފާނަށް ވަފާތެރި ސަރުކާރު ހިންގޭނެ ބޭފުޅުންނެވެ.އެބަޔަކު އަމިއްލަ އަށް ތިމަންނާމެންނަށް މަގާމު ލިބޭނޭ ކަމަށް ވިސްނާގެން މަސައްކަތް ކުރީ އެބޭފުޅުން އަމިއްލަފުޅަށްށެވެ.އެކަމުގައި ރައީސް ކުރައްވާނީ ވަކި ކޮންކަމެއް ހެއްޔެވެ.

ހަގީގަތް ގަބޫލުކުރަން ބަޔަކު ދެކޮޅު ހެދިކަމުގައިވިއަސް އެއިރެއްގައި ރައީސްކަމުގައި ހުންނަވާ ބޭފުޅަކު ދައުލަތުގެ މަގާމެއް ދެއްވާނީ ވަރަށް ގިނަ ގޮތްގޮތައް ވިސްނަވާ ބައްލަވާފައެވެ.ތުހުމަތު ނުކުރަނީ ކޮން ސިޔާސީ ބޭފުޅަކަށްތޯއެވެ.ނިމިދިޔަ ސަރުކާރުގައި ބޮޑެތި ތުހިމަތުތައް ކުރެއްވި ބޭފުޅުންވެސް ތިބިތަންފެނިފައިވެއެވެ.އެދުވަހު އޭބޭފުޅުންނަށް މައްސަލައެއް ނޫނެވެ.ނަމަވެސް މިއަދު ހުންނެވި ރައީސް މުއީޒް ވުޒާރާތަކައް ހިޔާރުކުރަމުންދަނީ ކަމައް ގާބިލް ރައްޔިތުންނަށްޓަކައި ހިދުމަތް ކުރާނެ އެމަނިކުފާނަށް ޔަގީންކަންއޮތް ބޭފުޅުންނެވެ.

ކިޔާނެކަމެއް ނެތެވެ.މިއުޅެނީ ހަމަ ތިމަންނާ ނޫން މީހަކަށް ލިބިގެން ނުވާނޭ ވިސްނުމުގައިއެވެ.ދެން ގަބޫލުކުރަން ޖެހޭނޭ ހަގީގަތަކީ ސަރުކާރު ހިންގަން ތިބޭނީ އެއިރެއްގައި ހުންނަ ވެރިޔަކީ ތިމަންނާމެންގެ ވެރިމީހާ ކަމަކިޔަންމަންވެ އެއްބާރުލުންދެއްވާނެ ބޭފުޅުންނެވެ.ވީމާ ގޯހީކީ ވެރިޔާއެއް ނޫނެވެ.އަމިއްލަފުޅަށް ތިމަންނާއައް މަގާމްލިބެންޖެހޭނޭ ކަމައް ގަބޫލުކުރުމެވެ.