ރައްޔިތުން:ތިބޭފުޅުން ޖައްސަވާ ބެރަކައް ދެންނުނަށާނަން!

ސިޔާސީ ލީޑަރުންނަކީ އެތަކެއް ރައްޔިތުންނެއް ގަބޫލުކުރާ އަދި އެބައެއްގެ ހަމަތަކައް ތައީދުކުރާބައެކެވެ.މިކުޑަކުޑަ ގައުމަކީވެސް އެތަކެއް ސިޔާސީ ލީޑަރުންތަކެއް އުޅޭ ގައުމެއްކަން ނިމިދިޔަ 2023 ރިޔާސީ އިންތިހާބުން ހާމަވެގެންދިއައެވެ.ގިނަ ބޭފުޅުންނަކީ މީގެ ތެރެއިން ވަކި ޕާޓީއަކައް ނޫނީ ވަކި ފިކުރަކައް ތާއީދު ކުރާ ލީޑަރުންނެވެ.ދެންފެނިގެން ދިއައީ މަދު ބޭފުޅުންކޮޅެއް އަމިއްލަ ފިކުރެއް ނަންގަވައިގެން ނިކުމެ ތިއްބެވި މަންޒަރެވެ.

ފެނިގެންދަނީ ތަފާތު ވައުދުތަކާއި ތަސައްވަރުތަކެއް ރައްޔިތުންނައް ދައްކަވަމުންގެންދަވާ މަންޒަރެވެ.ނަމަވެސް މީންކޮންމެ ވައުދެއް މީންކޮންމެ ތަސައްވަރެއް ގުޅިފާވަނީ ރައްޔިތުމީހާގެ ދިރިއުޅުމާކަން ވިސްނެނީ ކިތައްބޭފުޅުންނައް ބާވައެވެ.ތިޔަވިދާޅުވަމުން ގެންދަވާ ވައުދުގެ ލިސްޓަކީ ނިކަމެތި ރައްޔިތުމީހާއައް ހަމަ ހަގީގަތުގައިވެސް ފުއްދާދެން ބޭނުންވާ ވައުދުތަކެއްތޯއެވެ.ނޫނީ ސިޔާސީ މަގާމްތަކާ ބާރުވެރިކަން ތިބޭފުޅުންގެ ގޮޑިފުޅުފޮހެން ތިއްބަވާ ބޭފުޅުންނައް ހޯދާދިނުމައްޓަކައި ނިކަމެތި ރައްޔިތުންގެ ލޮލައް ދައްކާ އަވާމެންދުރެއްތޯއެވެ.؟

ބާރުލާފައި ވެރިކަމައް އަންނަން އުޅޭއިރު ރައްޔިތުމީހާ ހުރިތާކުން ހޯދާ އެމީހެއްގެ ހާލުބަލާ ބައްދަލުވެސް ކުރައްވާނެއެވެ.ނަމަވެސް ވެރިކަމައް ވަޑައިގެންނެވުމާއެކު ރައްޔިތުމީހާ ގެއްލެއެވެ.ރައްޔިތުމީހާ އައްވީވައުދާ އަހުދު ހަދާންނެތެއެވެ.ވީއިރު މިއަދު ރައްޔިތުން ތިޔަބޭފުޅުން ދައްކަވާ ވާހަކަ ގަބޫލު ކުރާނީ ކިހިނަކުންހެއްޔެވެ.

ނިމިދިޔަ އިންތިހާބުން ސާބިތުވެގެން ދިއައީ ސިޔާސީ ވެރިންގެ ދަންތުރައިގައި ރައްޔިތުން ޖެހެންބޭނުން ނުވާ މަންޒަރެވެ.ދޮގު ވާހަކަތަކާ އޮޅުވާލުމާ ފިތުނަފަސާދަ ބޭނުންނުވާކަމެވެ.އަދި ކޮންމެ ފަސް އަހަރަކުން ނިކަމެތި ރައްޔިތުން ތިބިކަން ހަދާންވާ ބަޔަކައް ކުރާނެ ތާއީދެއް ދޭނެ ވޯޓެއް ނެތެވެ.ރައްޔިތުން ތިބީ ގޮތް ނިންމާގެންނެވެ.