މާދަމާ ޔާމީން މިނިވަން ވުމަކީ އަޅުގަނޑުގެ އުއްމީދު - ރައީސް

ރައީސް ޑރ. މުހައްމަދު މުއިއްޒު ވިދާޅުވީ ހުރިހާވެސް އުއްމީދަކީ ކުރީގެ ރައީސް އަބްުﷲ ޔާމީން އަބްދުލް ގައްޔޫމް މާދަމާ މިނިވަން ވުންކަމަށެވެ. އާރަށް ކުއްޔަށް ދޫކުރުމުގައި ރިޝްވަތާއި މަނީ ލޯންޑްރިންގެ ކުށުގައި ޔާމީން 11 އަހަރަށް ޖަލަށްލުމަށާއި ފަސް މިލިއަން ޑޮލަރުން ޖޫރިމަނާ ކުރަން ކްރިމިނަލް ކޯޓުން ކުރި ހުކުމާއި ގުޅޭ އިސްތިިއުނާފީ މައްސަލައިގެ ހުކުމް މާދަމާ އިއްވާ ގޮތަށް ހައިކޯޓުގައި ވަނީ ތާވަލުކޮށްފައެވެ. 

ރައީސް ވިދާޅުވެފައިވަނީ "އެހެން ނަމަވެސް ޖޭއެސްސީގެ ކޮންޓްރޯލް، ޖޭއެސްސީގެ ރައީސްއަކީ އެމްޑީޕީ ބޭފުޅެއް، މަަޖިލީސް ރައީސް އިހަށް ދުވަހު މި މައްސަލަ ޖޭއެސްސީއަށް ލާނަމޭ އިހަށް ދުވަހު ލާނަމޭ ބުނެފައި، ޝެޑިއުލްވީމަ އެބަ އެނގޭ އެބޭފުޅުންގެ ކޮންޓްރޯލް އަދިވެސް ޖުޑިޝަރީ ތެރޭގައި ހިންގާ ވަރު، ވަރަށް ހިތާމަވެރި ކަމެއް،". މިހެނެވެ.