އަންނަ އެޕްރީލް މަހަކީ މި އަހަރު ތެރޭގައި ބަންދު ދުވަސްތައް އެންމެ ގިނަ މަސް

ރޯދަ މަހުގެ ފަހު 10 ސަރުކާރު ބަންދުކުރާ ގޮތަށް ނިންމެވުމުން، އީދު ބަންދާއެކު، އެޕްރީލް މަހުގެ ފުރަތަމަ 13 ދުވަސް އެކުގައި ބަންދުވާނެ އެވެ. ބަންދު ފެށެނީ މި ހިނގާ މާޗު މަހުގެ 28 ވާ ހުކުރު ދުވަހުން ފެށިގެން ކަމަށްވުމުން، ފަހު 10ގެ ޗުއްޓީގެ ގޮތުގައި ޖުމްލަ 16 ދުވަސް ލިބޭނެއެވެ.އެޕްރީލްގައި ސަރުކާރު ހުޅުވިފައި ހުންނާނީ 11 ދުވަހުއެވެ. ރައްޔިތުންގެ މަޖިލީހުގެ އިންތިޚާބުގެ ވޯޓުލުމުގެ މަސައްކަތާ ގުޅިގެން އެޕްރީލް 21 އާއި 22 ވެސް ސަރުކާރު ބަންދު ދެ ދުވަހުގެ ގޮތުގައި  ހަމަޖެއްސެވުމުން، އެޕްރީލްގެ ބަންދު ދުވަސްތަކުގެ އަދަދު 19 އަށް އެރީއެވެ.