ހިލޭ ޑިގްރީއަށް ކިޔަވާ ދަރިވަރުންނަށް އަނބުރާދައްކާގޮތައް ސްޓައިޕެންޑްގެ ގޮތުގައި މަހަކު 6،000 ރުފިޔާ ދެނީ

ކިޔަވާ ދަރިވަރުންގެ ދިރިއުޅުމުގެ ކަންކަން ހަމަޖެއްސުމަށް ކުރަން ޖެހޭ ހަރަދަށް ލޯނުގެ ތެރެއިން ސްޓައިޕެންޑެއް ލިބޭ ގޮތަށް މިހާރު ހަމަޖައްސާފައިވާ ކަމަށެވެއެޑިޔުކޭޝަން މިނިސްޓްރީގައި މިދިޔަ ބުރާސްފަތި ދުވަހު ބޭއްވި ނޫސްވެރިންގެ ބައްދަލުވުމެއްގައި މިނިސްޓަރު ޑރ. މަރިޔަމް މާރިޔާ ވިދާޅުވީ ހިލޭ ޑިގްރީ ޕްރޮގްރާމްގައި ކިޔަވަން އަތޮޅުތަކުން މާލެ އައިސް ތިބި ދަރިވަރުންގެ ދިރިއުޅުމުގެ ހަރަދަށް އެހީއެއްގެ ގޮތުގައި، މަހަކު 6،000 ރުފިޔާގެ ސްޓައިޕެންޑެއް ދޭން ނިންމައިފައިވާކަމަށެވެ.ކިޔަވާ ނިމިގެން އަނބުރާ ދައްކަން ޖެހޭ ގޮތަށް، ސްޓައިޕެންޑް ދޫކުރުމުގައި އިސްކަންދޭން ނިންމާފައި ވަނީ އަތޮޅުތެރެއިން ކިޔަވަން މާލެ އައިސް ތިބޭ ކުދިންނަށެވެ ކުރީ ސަރުކާރުން ފެށި ހިލޭ ޑިގްރީގެ ދަށުން މިހާރު 18،000 އަށް ވުރެ ގިނަ ދަރިވަރުން ކިޔަވަމުން އަންނައިރު މިހާތަނަށް 6،000 އަށްވުރެ ގިނަ ދަރިވަރުން ވަނީ ޑިގްރީ ފުރިހަމަކޮށްފަ އެވެ.