ހައްގުވެރިންނާއި ނިކަމެތިން ބާކީކޮށް ޕާޓީ ކުދިންނާއި ގާތް މީހުން ހިމަނައިގެން 4000 ފްލެޓް ދޭ މީހުންގެ ދާއިމީ ލިސްޓް އާއްމުކޮށްފި

ހަމައެއް ލަމައެއްމެިތި އަވަސް އަރުވާލައިގެން މިއަދު ނެރުނު މި ލިސްޓް އާންމުކޮށްފައި ވަނީ އުސޫލުން ްބޭރުން, ކޮރަޕްޝަން އެކުލެވޭހެން 4,000 ފްލެޓް ބަހާލަން އުޅޭކަމުގެ ތުހުމަތުގައި އޭ.ސީ.ސީއަށް މައްސަލަ ހުށަހަޅާފައި ވަނިކޮށެވެ. އެ މައްސަލަަ މިހާރު ވަނީ އޭ.ސީ.ސީގައި ރަޖިސްޓްރީވެސް ކޮށްފައެވެ.

ގެދޮރުވެރިޔާ ސްކީމުގެ ދަށުން ފުރަތަމަ ބުރުގައި 4000 ފްލެޓް ލިބޭ މީހުންގެ ދާއިމީ ލިސްޓް މިހާރު ވަނީ ގެޒްޓްކޮށްފައެވެ. ޕްލޭނިން މިނިސްޓްރީން ބުނީ، މި ފްލެޓްތަކުގެ ތެރެއިން 3 ކޮޓަރީގެ ފުލެޓްގެ ދާއިމީ ލިސްޓްގައި ހިމެނެނީ 76 އިން ފެށިގެން މަތިން މާރކްސް ލިބިފައިވާ ފަރާތްތައްކަމަށެވެ. އަދި 2 ކޮޓަރީގެ ފުލެޓްގެ ދާއިމީ ލިސްޓްގައި ހިމެނެނީ 73 އިން ފެށިގެން މަތިން މާކްސް ލިބިފައިވާ ފަރާތްތައްކަމަށެވެ.