ޑރ މުއިޒް ސަރުކާރުގައި އެމްޓީސީސީގެ ސީއީއޯގެ މަގާމަށް މުބީން!

އެމްޓީސީސީގެ ސީއީއޯގެ މަގާމަށް، ރައްޔިތުންގެ މަޖިލިހުގެ ބިލެއްދޫ ދާއިރާގެ ކުރީގެ މެންބަރު އަހުމަދު މުބީން ހަމަޖައްސަވަން ނިންމަވާފައިވާކަމަށް، އިތުބާރު ހުރި މުއިޒްގެ އަރިސްފަރާތްތަކުން  މައުލޫމާތު ދެއްވައިފިއެވެ.

ސަރުކާރުގެ އެންމެ ބޮޑު އެއް ކުންފުނިކަމަށްވާ އެމްޓީސީސީގެ ސީއީއޯގެ މަގާމަށް މުބީން ހަމަޖައްސަވަން ނިންމަވާފައިވާއިރު، އޭނާ ފާހަގަވެގެން ދިޔައީ ޑރ. މުއިއްޒުގެ ރިޔާސީ ކެޕްމޭންގައިވެސް އިސްދައުރެއް އަދާކުރެއްވި، މުއިއްޒުގެ ވަރަށް އަރިސް ފަރާތެއްގެ ގޮތުގައެވެ. އަދި  މުބީންވަނީ ޑރ. މުއިއްޒުއަށް ރިޔާސީ އިންތިޚާބު ކާމިޔާބު ކޮށްދިނުމަށް، ރާއްޖޭގެ އެކި ރަށްތަކަށް ދަތުރުކޮށް، ގިނަ ރެލީތަކާއި އެއްވުންތަކުގައި ބައިވެރިވެފައެވެ. މިގޮތުން ޑރ. މުއިއްޒުގެ ކެމްޕޭންގެ ލޮޖިސްޓިކްސް މެނޭޖަރެއްގެ ގޮތުގައި ހަރަކާތްތެރި ވެފައިވާއިރު، ޕީޕީއެމްގެ ބިލެއްދޫ ދާއިރާގެ ރައީސްކަންވެސް އޭނާ ގެންދަވަނީ ކުރައްވަމުންނެވެ. ކެމްޕޭން ތެރޭގައި ގިނަ ޖަލްސާތައް ފައްޓަވައިދެއްވަނީވެސް މުބީންއެވެ.