‎މީ އަހަރުމެން މުޅިދުނިޔެއަށް ސިފަކޮށްދިން ދުނިޔެމަތީ ސުވަރުގެ އެއް ނޫނެވެ.

ގެއިން ނިކުމެ އަވަށްޓެރިޔާ އަށް ބާއްޖަވެރިދުވަހެއްގެ ތަހުނިޔާ ކިޔާލުމަށް ފަހު ހިނިތުންވުމަކާއެކެ ކޮޑަށް އަތްވައްޓައިލައިގެން ގޭ ކައިރި ހޮޓަލަށް ސައިބޯން ދިޔަޒަމާނެއްވެސް ދެކެފީމުއެވެ.އަވަށްޓެރިޔާއަށް ނުނީ ގާތް ރަހުމަތްތެރިޔާ އަށް ދަތިކަމެއް ނުވަތަ ދެރަކަމެއް ޖެހިއްޖެ ހާލަތުގައި އެކަކު އަނެކަކަށް އެހިތެރިކަންދިން ޒަމާނެއްވެސް ދެކެފީމުއެވެ.އެކަމަކު މީ މާޒީއެވެ. މިއަދު މި ދިވެހިރާއްޖޭގައި މިފަދަ މަންޒަރެއް ފެނުން ވަނީ  ކޭތަ ހިފުންކަހަލަ ކަމަކަށް ކަށެވެ.

ވެރިއެއް، ފުލުހެއް،މިނިސްޓަރެއް،އައިދާގެ ރައްޔިތުމިހާއެއް ކިޔާނެކަމެއްނެތެވެ.ފެންނާނީ އެމީހަކަށް ދަމައިގަނެވުނު ތަނަކުން ދަމައިގަނެ،އެމީހަކު ހިތްޕުޅާ ނުވާ މީހެއްނަމަ ނެގުނުގޮތަކަށް އަބުރުނަގާލާ ތަނެވެ.އެއީ ތިމާގެ އެއްލޭހިނގާ މިހަކަށް ވިއަސް ހެޔޮކަމަށްށެވެ.

މީގެ 20 ވަރަކަށް އަހަރުކުރިން މަގެއް މަތިން ފުލުހަކު ފެނަން ހުއްޓަސް  ކުށަކަށް އަރައިގަންނަން  ޖެހިލުންވެއެވެ. ނަމަވެސް މިއަދު ފުލުހުން ފެނުނަސް ކުރަނީ މަލާމާތެވެ. އެއީ ހުދު ކުއްތަކަށް އަރައިގަންނަމުންދާ ފުލުހުން ގިނަކަމުންނެވެ.ރައްޔިތުންގެ މުދަލާ ރައްކާތެރިކަމަށް ފުލުހުން ހިދުމަށް ކުރުމަށްވުރެ ފެނަންނަނީ ސިޔާސީ ވެރިންނަށް ގުލާނުކަން ކޮށްދޭ ތަނެވެ.

ދެންއޮތީ ފާޑު ފާޑުގެ ނަންނަން ކިޔައިގެން ނިކުމެ  އިސްލާހަށް މަސައްކަތްކުރަމުންދާ ޕާޓީތަކެވެ.ގިނަފަހަރަށް އެބޭ ފުޅުން ރައްޔިތުނަށް ޓަކައި ވަކާލާތު ކޮއްދިނުމުގެ ބަދަލުގައި ފެންނަނީ  އަމިއްލަ ޖީބު ބޮޑުކުރެވެހޭނާ ގޮތެއް ހޯދޭތޯއެވެ.ދެރައީ ނިކަމެތި ރައްޔިތުމީހާ ގުރުބާންކޮށް ކަތިލާ ކަމެވެ.

ވެރިންގެ ވާހަކަ ނުދެއްކިޔަސް ހަމަ ހެޔޮވާނެއެވެ.ދުވާލު އިރުފެންނަ ހުއްޓަސް އެއީ ހަނދުކަމަށް ބުނެފާނެއެވެ.ގައުމިއްޔަތޭ،ގައުމުގެ ހަމަޖެހުމޭ،ރައްޔިތުންގެ މާލީ ތަނަވަސް ކަމޭ، ކިޔާ ވަރަށް ހުވަފެންތައް ދައްކާގެން ވެރިކަމަށް ހަވާލުވުމާ،ތިމާމެންގެ ފައިދާ އަށް ނިކަމެތި ރައްޔިތުމީހާ ނޮޅާ ކާންފަށައެވެ.އަނެއްކާވެސް އިންތިހާބާ ކައިރިކޮއްލާ ރައްޔިތުން ގައިގައި ފިރުމަން ނިކުނާނެއެވެ.މީ ވަކި ވެރިއެއް ނޫނެވެ. މިގައުމުގެ ވެރިނަށް ވަޑައިގަންނަވާ ބެފުޅުންގެ ވާހަކައެވެ.ދެރައީ މި ދޮގުވެރިންގެ ބަހަށް ހެއްލޭ ބަޔަކު އުޅެތީވެއެވެ.

މީގެ ކުރިން ގިނައިން އިވެމުން ދިޔައީ ގައުމީ ލަވަތަކެވެ.ގައުމީ ދުވަސްދުވަހު ފާޅުކުރާ ޝިޔާރުތަކެވެ.ނަމަވެސް މިހާރު އިވެނީ ކޮންމެވެސް މީހެއްގެ އަނބުރު ކަތިލަން ފާޅުކުރާ ޝުއޫރުތަކެވެ. މަގުމަތީގައި ހާމަކޮށް މިފަދަ ކަންކަން ކުރާއިރުގާ އަޑުއިވޭނެ ތުއްތު ތިބޭނެ ބާއޭ ހިތަށް ހަމަ ނާރަނީބާއެވެ. މަގުމަތީގައި އާއި މަދަރުސާތައް ކައިރީގައި މުޒާހަރާތައް ކޮށް ހެއްދެވި ނެހެއްދެވި އަށް ގޮވާއިރު،މަދަރުސާތަކުގައި ކިޔަވަން ތިބެނީ މާދަމާގެ ކުރިމަގު ކަން ވިސްނޭބާއެވެ.

ގައުމު މިހާލަތަށް ވަށްޓައިލާގެން ހާސިލް ވާނީ ކޮންކަމެއް ބާވައެވެ.އެތައް ޒުވަނުނަނަކާއި އެތައް ކުޑަކުދިންނެއްގެ މުސްތަގުބަލް ނަގާލަމުން ތިދަނީ ހަމަ ވަގުތީ މަންފާ އަކަށް ނޫންތޯއެވެ.މީ އަހަރުމެން މުޅިދުނިޔެއަށް ސިފަކޮށްދިން ދުނިޔެމަތީ ސުވަރުގެ އެއް ނޫނެވެ.މީ އަހަރުމެންގެ އަންނަން އޮތް ޖީލުތަކަށް ފޯރުކޮއްދެން ބޭނުންވާ ގައުމެއްވެސް  ނޫނެވެ.