ހީކުރި ގޮތާއި ހިލާފަށް 21 އަހަރުގެ މޮޑެލް، ޝައިނާ، ބޯވަޅު އެޅި ރަތް ލިބާހުގައި ފެނުނީ ވަރަށް ދިވެހިވަންތަކޮށް

މެކްސިކޯގައި ފެށި މިސް ޔުނިވާސް މުބާރާތުގައި ރޭ ބޭއްވީ ޕްރިލިމިނަރީ ރައުންޑްގައި އުމުރުން 21 އަހަރުގެ މޮޑެލް، ޝައިނާ، ބޯވަޅު އެޅި ރަތް ލިބާހުގައި ފެނުނީ ވަރަށް ދިވެހިވަންތަކޮށެވެ. ރާއްޖޭގެ މަރިޔަމް ޝައިނާ ވަނީ ނަސީމް ދިވެހި ލިބާހުގެ ރީތިކަން މުޅި ދުނިޔެެއަށް ދައްކާލައިފައެ އެވެ.  މުބާރާތުގައި ދެން އޮންނާނީ 25 ފައިނަލިސްޓުން ހޮވުމެވެ. އޭގެ އިތުރުން އެމެރިކާ، ކެރިބިއަން، ޔޫރަޕް، އެފްރިކާ، އޭޝިއާ އަދި އޯޝަނިއާއިން ހަތަރު ރީޖަނަލް ކެންޑިޑޭޓުން ހޮވާނެ އެވެ.މިސް ޔުނިވާސް މުބާރާތުގައި މި އަހަރު 130 ގައުމަކުން ބައިވެރިވެ އެވެ. މިއީ، މި މުބާރާތް ބާއްވާ 73 ވަނަ އަހަރެވެ.