މިފަހަރު މޭޔަރު ކަމަށް އަލްއުސްތާޒާ އައިޝަތު އާޒިމާ ޝަކޫރު

އަލްއުސްތާޒާ އައިޝަތު އާޒިމާ ޝަކޫރު ވަނީ ޖެނުއަރީ މަހު ބާއްވާ ބައި އިލެކްޝަންގެ އިންތިހާބުގައި މާލޭގެ މޭޔަރު ކަމަށް ވާދަކުރައްވަން ނިންމަވައިފަ އެވެ. އެކަމަނާ ވާދަކުރައްވާނީ ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) އާއި ޕީޕަލްސް ނޭޝަނަލް ކޮންގްރެސް (ޕީއެންސީ)ގެ ޓިކެޓެއްގަ އެވެ. 

އެކަމަނާ ފާހަގަކުރެއްވި ގޮތުގައި ކައުންސިލްތަކުގެ ހިންގުން މިހާރު ލާމަރުކަޒީ ކުރެވިފައިވާއިރު، ރައްޔިތުންގެ ބޭނުންތަކަށް އެއްވެސް ބަދަލެއް އައިސްފައި ނުވާކަމަށާއި އިދާރީ އޮނިގަނޑު އިތުރަށް ހަރުދަނާ ކުރަންޖެހޭ ކަމަށް ފާހަގަކުރެއްވި އެވެ.އަދި އިންތިހާބީ ރައީސް ޑރ މުހައްމަދު މުއިއްޒު އެކުލަވާލާފައިވާ ސްޓްރެޓެޖިކް ޕްލޭން ތަންފީޒު ކުރައްވާނެ ކަމުގެ ޔަގީންކަން އެކަމަނާ މާލޭ ރައްޔިތުންނައް ދެއްވާފައެވެ.

އެކަމަނާއަކީ ދިވެހި ރާއްޖޭގެ ފުރަތަމަ އަންހެން އެޓާނީ ޖެނެރަލް އެވެ. އަދި ހަމައެހެންމެ ކުރިން މިނިސްޓްރީ އޮފް ހޯމް އެފެއާޒްގެ ނައިބުގެ މަގާމާއި،ރައީސް މައުމޫނު މަޖިލީހަށް އައްޔަން ކުރެއްވި މެމްބަރެއްގެ އިތުރުން ދިވެހިރާއްޖޭގައި އުފެދުނު ދިވެހި ރައްޔިތުންގެ ޕާޓީގެ އަންހެނުންގެ ވިންގުގެ ރައީސް ކަމުގެ މަގާމުވެސް އަދާކުރެއްވި ބޭކަނބަލެކެވެ. އަދި އެކަމަނާއަކީ ލީގަލް އެޑްވައިޒަރުގެ މަގާމާއި ރައީސް އަބްދުالله ޔާމީންގެ ރިޔާސަތުގައި ރައީސް އޮފީހުގެ ލީގަލް އެފެއާޒް މިނިސްޓަރުގެ މަގާމަށް އައްޔަން ކުރެއްވި ބޭކަނބަލެކެވެ.

އަދި ނިމިދިޔަ ސަރުކާރުގައި ފޯޅަވެހި ދިވެހިންގެ އަތުން ގެއްލުނު މައްސަލައިގައި އެންމެ ހަރުއަޑުން ދިވެހި ރައްޔިތުންގެ ހައްގުގައި ތެދުވެ ވަޑައިގަންނަވާ އަމިއްލަ ދިވެހި ފަސްގަނޑުގެ ހައްގުގައި ވާކާލާތު ކުރެއްވި ކަނބަލެކެވެ. އެކަމަނާގެ ގާބިލްކަމާއި ގައުމުގެ ހައްގުގައި މަސައްކަތް ކުރައްވާނޭ ކަމައި މެދު ރައްޔިތުން މިއަދު ޝައްކެއް ނުކުރާނެއެވެ.މިއަދު ރައްޔިތުން ބޭނުންވަނީ ބަސްބުނަންކެރޭ،ރައްޔިތުންނައްޓަކައި ވަކާލާތު ކުރާނެ އަދި ގޮތްނިންމާ ނިންމުމުގައި ތަޖުރިބާހުރި މޭޔަރެކެވެ.

ޝައްކެތްނެއް ގޮތުގައި މާލޭގެ މޭޔަރު ކަމަށް ވާދަކުރައްވާ ހުރިހާ ބޭފުޅުންގެ ތެރެއިން ސަރުކާރާއި ގުޅިގެން މަސައްކަތްކުރައްވާނޭ ކެނޑިޑޭޓަކީ އަލްއުސްތާޒާ އައިޝަތު އާޒިމާ ޝަކޫރުއެވެ.