އެމްޑީޕީގެ ގައުމި މަޖިލީހުގެ ހާއްސަ ބައްދަލުވުމެއް މިރޭ އއ.އުކުޅަހުގާ

އެމްޑީޕީގެ ޗެއާޕާސަންގެ ނައިބު އިބްރާހިމް ވަހީދު (އިބުރޭ) ވިދާޅުވީ، މައިގަނޑު

ގޮތެއްގައި މި ބައްދަލުވުމުގައި އޮންނާނީ ޕާޓީ ކުރިއަށް ގެންދާނެ ގޮތަކާމެދު މަޝްވަރާ ކުރުން ކަމަށެވެ.

މި ބައްދަލުވުމުގައި ބައިވެރިވާން އެ ޕާޓީގެ ޗެއާޕާސަން ފައްޔާޒު އިސްމާއިލާއި ރައްޔިތުންގެ މަޖިލީހުގެ ރައީސް މުހައްމަދު އަސްލަމް ހިމެނޭހެން އެޕާޓީގެ ލީޑާޝިޕްގައި ހިމެނިވަޑައިގަންނަވާ ގިނަ މެންބަރުން ވަނީ އުކުޅަހަށް ވަޑައިގެންފައެވެ.ނަމަވެސް މައުލުމާތު ލިބިފައިވާ ގޮތުގައި މިރޭ ބޭއްވޭ މި ބައްދަލުވުމުގައި ރައީސް އިބްރާހިމް މުހައްމަދު ޞާލިޙް ބައިވެރިވެ ވަޑައިނުގަންނަވައެވެ. އެމްޑީޕީން އެންމެ ފަހުން ގައުމީ މަޖިލީހުގެ ޖަލްސާއެއް ބޭއްވީ،ނަޝީދުގެ ދަ ޑިމޮކްރެޓްސްއިން ހުށަހެޅި ބަރުލަމާނީ ނިޒާމާ ގުޅޭ ގަރާރާ ގުޅޭ ގޮތުން މަޝްވަރާ ކުރުމަށެވެ.

އެމްޑީޕީ އަކީ މިހާރު އޮޕޮސިޝަން ޕާޓީގޮތުގައި ތަމްސީލް ކުރާ ޕާޓީއެވެ.ނަމަވެސް އެ ޕާޓީގެ އެންމެ އިސް ދެ މަގާމު އޮތީ ހުސްވެފައެވެ.އަދި ޕާޓީތެރޭ ހިޔާލު ތަފާތުވުންތަކެއް އުފެދި ކުރިން އެމްޑީޕީގެ ރައީސްކަމުގައި ހުންނެވި ކުރީގެ ރައީސް މުހައްމަދު ނަޝީދާއި ނައިބު ރައީސްކަމުގައި ހުންނެވި މުހައްމަދު ޝިފާޒު ވަނީ އިސްތިއުފާ ދެއްވައިފައެވެ.އެއްފަހު އަދި މިދެމަގާމު އޮތީ ހުސްކޮށެވެ.