އިންތިހާބު މިއޮތީ ނިމިފައި، މިރޭ ވޯޓު ގުނިޔަސް މޮޅުވާނެ: ރައީސް

"އިންތިހާބު މިހާރު މިއޮތީ ނިމިފައި، ނިމިފައި، ނިމިފައި، ނިމިފައި. މިރޭ ވޯޓު ގުނިޔަސް އަޅުގަނޑުމެން މޮޅުވާނެ، މާދަމާ ގުނައިފިއްޔާ މާބޮޑަށް މޮޅުވާނެ. 9 ވަނަ ދުވަހު ގުނައިފިއްޔާ އަދި މާބޮޑަށް މޮޅުވާނެ. ދިވެހިންނާ ގާތް މިކޮށްދެނީ އުފާވެރި އާމަން ރާއްޖެއެއް،" ރައީސް ވިދާޅުވި އެވެ.

ރައީސް ވިދާޅުވީ ކެމްޕެއިންގައި މިހާތަނަށް 16 އަތޮޅެއްގެ ހުރިހާ ރަށަކަށް ދަތުރު ކުރެވިއްޖެ ކަމަށާއި އެމަނިކުފާނަށް ފެނިވަޑައިގަތް މަންޒަރަކީ އަނިޔާވެރިކަމަށް އެނބުރި ދާން ބޭނުން ނުވާ ރައްޔިތުންތަކެއް، މި ސަރުކާރުން ގެނެސްދިން ތަރައްގީ އާއި ބާކީ ނުކުރާ ސިޔާސަތާ މެދު ހިތްހަމަޖެހިގެން ތިބި ތަން ކަމަށެވެ.

"ރައްޔިތުން ތިބީ ވަކި ގޮތަކަށް ނިންމައިގެން. ތިޔަ ބޭފުޅުން ވެސް ތި ތިއްބެވި ގޮތް، އެއްބުރުން ނޫން ބުރެއް މިފަހަރަކު ނެތް. މުޅި ރާއްޖޭގެ ރަސްމީ ނަތީޖާ ރަމްޒު ވަނީ މިރޭ މި ޖަލްސާގެ މަންޒަރާ،" ރައީސް ވިދާޅުވި އެވެ.

"ހއ. އިން ބުނީ އެއްބުރުން، ށ. އެއްބުރުން. ނ. މާބޮޑަށް އެއްބުރުން. ރ، ބ، ޅ. އެއްބުރުން. ކ. އެއްބުރުން. ވ، ދ، ލ، ތ. އެއްބުރުން. ގއ، ގދ. އެއްބުރުން. ފުވައްމުލައް އެއްބުރުން، މާލެ ކިނިހެއްތޯ؟ އެއްބުރުން، އެއްބުރުން، އެއްބުރުން."