ބޮޑު ޗުއްޓީ ޑިސެމްބަރު މަހަށް ބަދަލުކޮށްފި

ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ 100 ވައުދުތަކުގެ ތެރޭ ހިމެނިގޮތަށް ސުކޫލްތަކުގެ ބޮޑު ޗުއްޓީ ޑިސެމްބަރު މަހަށް ބަދަލުކޮށްފިއެވެ. އެގޮތުން ފުރަތަމަ ޓާމުގެ ޗުއްޓީ ލިބެނީ ޖުލައި މަހުގެ 28 ވަނަ ދުވަހުން އޮގަސްޓު މަހުގެ 7 ވަނަ ދުވަހާ ހަމައަށެވެ. އަދި ދެވަނަ ޓާމުގެ ކިޔެވުން ފެށޭނީ އޮގަސްޓް މަހުގެ 10 ވަނަ ދުވަހު އެވެ. އެހެންނަމަވެސް ދެވަނަ ޓާމުގެ މެދު ތެރެއިން ސެޕްޓެމްބަރު މަހުގެ 21 ވަނަ ދުވަހުން 25 ވަނަ ދުވަހާހަމައަށް ޗުއްޓީއެއް ލިބޭނެ އެވެ.އަދި ދެވަނަ ޓާމުގެ ކިޔެވުން ނިމޭނީ އަންނަ އަހަރުގެ ޑިސެމްބަރު މަހުގެ 25 ވަނަ ދުވަހު އެވެ. އަދި ރިޕޯޓް ކާޑު ދޫކޮށް، ރަސްމީކޮށް ޗުއްޓީ ފެށޭނީ ޑިސެމްބަރު 28 ވަނަ ދުވަހު ކަމަށް އެ ކަލަންޑަރުގައިވެ އެވެ. އެއާއެކު ޖެނުއަރީ 22 އާ ހަމައަށް ޗުއްޓީ ދިނުމަށްފަހު 2026 ވަނަ އަހަރުގެ ކިޔެވުން ފަށަން އެޑިޔުކޭޝަން މިނިސްޓްރީން ނިންމާފައިވަނީ ޖެނުއަރީ 27 ވަނަ ދުވަހު އެވެ.