ރައީސްގެ ތާއީދު ރިޔާސީ ނިޒާމައް

މިއަދު ބޭއްވި ނޫސްވެރިންގެ ބައްދަލުވުމަށް ރައީސް ވިދާޅުވީ އަމިއްލަ ހައިސިއްޔަތުން ތާއީދުކުރައްވަނީ ރިޔާސީ ނިޒާމަށް ކަމަށެވެ.ނަމަވެސް ގޮތް ނިންމާނީ އެމަނިކުފާނުގެ ޕާޓީ، އެމްޑީޕީން ކަމަށެވެ.އަދި އަބަދުވެސް ގަބޫލުކުރައްވަނީ ރިޔާސީ ނިޒާމު ކަމަށާއި އެގޮތުގައި ދެމިހުންނަވާނެ ކަމައްވެސް ރައީސް ވިދާޅުވިއެވެ. މަޖިލީހުގެ 99 ޕަސެންޓް މެންބަރުން ނަޝީދު އަލުން އެމްޑީޕީއާ ގުޅުމަށާއި ބަރުލަމާނީ ނިޒާމަށް ތާއިދު ނުކުރާކަން އިއްޔެ ދެއްކެވި ވާހަކަތަކުން ފެނުނު ކަމަށާއި ގޮތް ނިންމަވާނީ ޕާޓީންކަމައް ރައީސް ވިދާޅުވިއެވެ.

އެމްޑީޕީގެ ގައުމީ މަޖިލީހުގައި މާދަމާ ބަރުލަމާނީ އަށް ތާއިދު ކުރުމާ މެދު ބައްދަލުވުމެއް ބާއްވަން ދަނީ މަސައްކަތް ކުރަމުންނެވެ.