ށ. އަތޮޅު ހޮސްޕިޓަލުގައި ޑަޔަލިސިސްގެ ޚިދުމަތް ފެށިގެން ދިޔުމަކީ މުޅި ށަވިޔަނި އަތޮޅުގެ ސިއްޙީ ނިޒާމަށް ލިބިގެންދިޔަ ނުހަނު ބޮޑު ކުރިއެރުމެއް. މެމްބަރ މަމްދޫހް

ށ. އަތޮޅު ހޮސްޕިޓަލުގައި ޑަޔަލިސިސްގެ ޚިދުމަތް ފެށިގެން ދިޔުމަކީ މުޅި ށަވިޔަނި އަތޮޅުގެ ސިއްޙީ ނިޒާމަށް ލިބިގެންދިޔަ ނުހަނު ބޮޑު ކުރިއެރުމެއް ކަމަށް ށ. ފުނަދޫ ދާއިރާގެ މަޖިލިސް މެމްބަރ މަމްދޫޙް ވިދާޅުވެއްޖެއެވެ. މަމްދޫހް ވިދާޅުވީ މިޚިދުމަތް ށ.އަތޮޅު ހޮސްޕިޓަލުން ދޭން ފެށުމައްޓަކާ، ށ.އަތޮޅު ހޮސްޕިޓަލުގެ މެނޭޖްމެންޓާއި ހުރިހާ މުވައްޒަފުން ކުރެއްވި އިޚްލާސްތެރި ބުރަ މަސައްކަތް ފާހަގަކޮށް ޝުކުރު ދަންނަވާކަމަށެވެ.

އަދި ހަމައެއާއެކު، ރަޢީސް ޑރ މުއިޒްގެ ސަރުކާރުން މިޚިދުމަތް އަވަސްކޮށް ފެށުމަށް ކޮށްދެއްވި މަސައްކަތާއި މިކަމުގައި ސަރުކާރުން ލިބިގެން ދިޔަ އެހީތެރިކަމާއި އެއްބާރުލުން ފާހަގަކޮށް ޝުކުރު ދަންނަވާފައިވެއެވެ. ށ.އަތޮޅު ހޮސްޕިޓަލަކީ އެއަތޮޅު ގިނަ ރައްޔިތުން ޑރ އަށް ދެއްކުމަށް ދާ ހޮސްޕިޓަލެކެވެ.