ހަކެނާ ނިކުމެ ޖެއްސި ފޯމިއުލަރ ފުރިހަމައް މަސަކަތް ކޮއްފިތާއެ!
2018 އިންފެށިގެން މެދުކެނޑުމެއްނެތި ޕީޕީއެމް ޕީއެންސީ އިދިކޮޅު ޕާޓީއެއްގެ ގޮތުގައި އޮވެ ދިޔައީ ސަރުކާރާދެކޮޅައް އެތައް އަޑެއް އުފުލަމުންނެވެ.އެގޮތުން ރައީސް ޔާމީން މިނިވަންކޮއްދިނުމައްށާއި،ރާއްޖޭގައި ތިބި އިންޑިއާ ސިފައިން ތިބިކަމައްބުނެ އެބައިމީހުން ބޭރުކުރުމައްށެވެ.
ސަރުކާރައް ނިސްބައްވާ ގިނަ ބޭފުޅުން ވިދާޅުވަމުން ދިއައީ މަދު މީސްކޮޅެއް ކޮންމެރެއަކު ނިކުމެ ޔާމީން މިނިވަންކުރަން ގޮވިއެއް ކަމަކު ރައްޔިތުން އެގޮތެއް ބޭނުން ނުވާކަމައްށެވެ.
އެތައް ރެއެއްގެ މަސަކަތް ކާމިޔާބުވެއްޖެއެވެ.ނިމިދިޔަ އިންތިހާބުގެ ދެވަނަ ބުރު އެތައް ގޮންޖެހުމަކާއި އެކުވެސް ކުރި ހޯއްދެވީ ޕީޕީއެމްޕީއެންސީގެ ކެޑިޑޭޓު ޑރ.މުއީޒް އެވެ.ޑރ.މުއީޒް ގެ ފުރަތަމަ ވައުދެއްގެ ގޮތުން ރައީސް ޔާމީން މިނިވަންކުރައްވާނެކަމައް ވަނީ ވައުދުވެ ވަޑައިގަންފައެވެ. ކާމިޔާބީ ލިބި 24 ގަޑި އިރު ނުވަނިސް އިންތިހާބީ ރައީސް ޑރ.މުއީޒް ވަނީ ރައީސް ޔާމީން މިނިވަންކުރުމައް ސަރުކާރައް ގޮވާލާފައެވެ.މިގޮވާލުމާއެކު އިންތިހާބުން ބިލިވި ބަލިވުން ގަބޫލުކޮއް ސަރުކާރުން މިއަދު ވަނީ ރައީސް ޔާމީން ގެކޮޅެއް ބަދަލުކުރެއްވުމައް ނިންމަވާފައެވެ.
މިވީކިހިނަކުންހެއްޔެވެ؟
ހަކެނާ ނިކުމެ ޖެއްސި ފޯމިއުލަރ ހަމަ ރަނގަޅައްވެސް މަސަކަތް ކުރީތާއެވެ.
What's Your Reaction?
