އަހަރުގެ ފުރަތަމަ ފަސް ދުވަސް މޫސުން ވަރަށް ގޯސް: މެޓް

ކުރިއަށް އޮތް ފަސް ދުވަހު ރާއްޖެގެ މޫސުން ވަރަށް ގޯސް ކަމަށް ރާއްޖޭގެ މޫސުމާބެހޭ އިދާރާއިން ވިދާޅުވެއްޖެއެވެ. މޫސުން ގޯސްވެފައިވަނީ  ސްރީލަންކާގެ އިރުދެކުނުގައި ވާ ކޮޅިގަނޑެއްގެ ސަބަބުން ކަމަށް ވިދާޅުވެފައިވެއެވެ. މެޓް އިން މިއަދު ވިދާޅުވީ  ލަފާ ކުރެވޭގޮތުގައި ވާޖެހޭނީ މެދުރާއްޖޭ އަދި އުތުރުގެ  އަތޮޅުތަކަށް، އުތުރާއި އިރު އުތުރުން ،އަދި ދެކުނުގެ އަތޮޅުތަކަށް ހުޅަނގާއި ހުޅަނގުއުތުރުން 25 މޭލާއި 15 މޭލާއި ދެމެދުގެ ބާރުމިނެއްގައި ކަމަށާއި ވިލާގަނޑުގައި 50 މޭލަށް ވައިގަދަވާނެކަމަށް ލަފާކުރެވޭކަމަށް މެޓްއޮފީހުން ވިދާޅުވެފައިވެއެވެ. ވީމާ ކަނޑު ދަތުރު ކުރާ ފަރާތް ތަކުން މުސުމަށް ސަމާލުވުމަށް އިލްތިމާސްކޮށްފައިވެއެވެ.