ރައީސުލްޖުމްހޫރިއްޔާ އިންޑިޔާގެ ކުރީގެ ބޮޑުވަޒީރް ޑރ. މަންމޯހަން ސިންގް ގެ ތައުޒިޔާ ދަފްތަރުގައި ސޮއިކުރައްވާފި
އިންޑިއާގެ ކުރީގެ ބޮޑުވަޒީރު ޑރ މަންމޯހަން ސިންގް އަވަހާރަވީ މިހިނގާ ޑިސެންބަރު މަހުގެ 26 ވަނަ ދުވަހުގައެވެ.
އިންޑިއާގެ ކުރީގެ ބޮޑުވަޒީރު ޑރ މަންމޯހަން ސިންގް އަވަހާރަވީ މިހިނގާ ޑިސެންބަރު މަހުގެ 26 ވަނަ ދުވަހުގައެވެ. އެގޮތުން ޑޮކްޓަރ މަންމޯހަން ސިންގްގެ ހަނދާނުގައި، ރާއްޖޭގައި ހުންނަ އިންޑިއާގެ ހައިކޮމިޝަނުގައި ހުޅުވާފައިވާ ތަޢުޒިޔާގެ ދަފުތަރުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު މިއަދު ވަނީ ސޮއިކުރައްވާފައެވެ.
ރައީސުލްޖުމްހޫރިއްޔާ ދަފްތަރުގައި ސޮއިކުރައްވާ ލިޔުއްވި މެސެޖުގައި ވަނީ، ޑޮކްޓަރ ސިންގްއަކީ ތަޖްރިބާކާރު ސިޔާސީ ބޭފުޅެއް ކަމަށާއި، ޚާއްޞަކޮށް ޙިކުމަތްތެރި ނިންމެވުންތަކާއެކު އެތައް ބައެއްގެ އިޚްތިރާމް ހޯއްދަވާފައިވާ ޝަޚްސެއްކަން ފާހަގަކުރެއްވިއެވެ.އަދި މީގެ އިތުރުން އެމަނިކުފާނު ވަނީ ޑރ މަންމޯހަން ސިންގް އާއި ރާއްޖެއާ އޮތް ގާތް ގުޅުމުގެ ހަދާން އާކުރައްވާފައެވެ. އެމަނިކުފާނުުގެ ބަސްފުޅު ނިންމަވާލެއްވީ ޑރ. ސިންގެ އާއިލާއަށާއި އިންޑިޔާގެ ރައްޔިތުނަށް ހަމްދަރުދީ ފޮނުވަމުންނެވެ.
What's Your Reaction?
