‎ޓެރެރިސްޓް ހަމަލާ ދޭންއުޅޭކަމަށް ކުރި ތުހުމަތަށް އެޕާޓީން އިންކާރުކޮށް މައްސަލަ ބަލަން ގޮވާލާފި!

މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އިން ރިސޯޓުތަކަށް އަރަން އުޅޭ ކަމަށް ޓޫރިޒަމް މިނިސްޓްރީގެ ސްޓޭޓް މިނިސްޓަރު މުހައްމަދު ނިހާދު ވަނީ ހޯމަ ދުވަހުގެރޭ ބޭއްވުނު ޕީއެންއެފް ޖަލްސާގައި ވާހަކަ ދައަކަވަމުން ވިދާޅުވެފައެވެ.

މި ތުހުމަތާއި ގުޅިގެން މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އިން ވަނީ ބަޔާނެއް ނެރެ މި ތުހުމަތުތަށް ދޮގުކޮށް އަދި މި މައްސަލަ ބަލަން ގޮވާލާފައެވެ.އަދި ހަމައެހެންމެ މިނިސްޓްރީއެއްގެ ސްޓޭޓް މިނިސްޓަރެއްގެ މަގާމުގައި ހުރެގެން ކޮށްގެން ނުވާނެ ފަދަ ސީރިއަސް ތުހުމަތުތަކެއް ކަމަށް ވެސް އެ ބަޔާނުގައި ފާހަގަކޮށްފައިވެއެވެ.އަދި މިކަހަލަ ކަންކަމުގެ ސަބަބުން ފޫނުބެދޭ ވަރުގެ ގެއްލުންތަކަކާއި ކުރިމަތިލާން ޖެހިދާނެކަމަށް ވެސް މި ބަޔާނުގައިވެއެވެ.

އެގޮތުން ފަތުރުވެރިންނަށް ހިދުމަތް ދޭ ހުރިހާ ވިޔަފާރިތަކާއި،ރާއްޖެއަށް ޒިޔާރަތް ކުރާ ފަތުރުވެރިންނާއި އަދި މިދާއިރާގައި ހިދުމަތްކުރަމުންދާ އެންމެހާ މަސައްކަތްތެރިންގެ ސަލާމަތާ ރައްކާތެރިކަން ކަށަވަރު ކޯށްދިނުމަށް ވެސް މި ބަޔާނުގައި ގޮވާލައިފައިވެއެވެ.

ނަމަވެސް އަދި ފުލުހުންގެ ފަރާތުން މި މައްސަލާއާއި ގުޅިގެން އަދި ވަކި އެއްޗެއް ހާމަ ކުރައްވާ ފައިނުވެއެވެ.