ޒަމާނާއެއްވަރަށް ދިވެހިން ތަރައްގީއެ،ތަރައްގީ ނުވަނީ ބައެއްގެ ވިސްނުމެ!

ޒަމާންބަދަލުވެ މީހުން ތަހުޒީބުވަމުން އާއިރު ދިވެހިންވެސް މިތިބީ ޒަމާނާއެއްހަމައެއްގައި ކުރިއަރާފައެވެ.ދިވެހިންނަކީވެސް މިއަދު އެންމެ ޒަމާނީ ވަސީލަތްތައް ބޭނުންކުރެވި ދިރިއުޅުން ފަސޭހަކޮއްލާފައިވާ ބައެކޭ ބުންޔަކަސް ދޮގަކައް ނުވާނެއެވެ.ނަމަވެސް ދެރަކަމަކީ އަދި ވެސް ދިވެހިންގެ ތެރޭގައި ވިސްނުން ތަރައްގީނުވާބަޔަކު އުޅެމުންދާތީއެވެ.

ގިނަ ދިވެހިންނަކީ ދަރިންގެ މުސްތަގުބަލާއި ދޭތެރޭ ވަރަށް ވިސްނާބައެކެވެ.މިއަދުގެ ދުނިޔޭގައި އުޅެވެންއޮތީ ތައުލީމްލިބި އަމިއްލަ ފައިމައްޗައް ތެދުވެގެންކަން ވިސްނޭބަޔަކުވެސް އުޅޭކަމީ ކުދިންގެ ކުރިމަގު އުޖާލާވެގެންދާނެކަމެކެވެ.

ނަމަވެސް ދެރައީ ދިވެހިންގެ ތެރެއިން ނެތިގެން ނުދާ ނުރަނގަޅު އާދައެއްގެ ސަބަބުން ގިނަމީހުން ވިސްނާ ފިކުރުކޮއް ނަފްސާނީ ބަލި ތަހައްމަލު ކުރަންޖެހޭ ހިސާބައްދިއުމެވެ.

މާހައުލުގެ ތެރެއިން ބައެއް ޒުވާނުންނާ މިމޭރުމުން ވާހަކަ ދައްކާލުމުން ގިނަ ކުދިން ބުނިގޮތުގައި ގޭތެރެއިންނާ،ރަހުމަތްތެރިން އަދި މިނޫނަސް އެކި އެކި މީހުންގެ ފަރާތުން އަބަދުވެސް ފާޑުކިޔުން ރައްދުވާކަމުގައެވެ.އެގޮތުން ވަކި ރޮގަކުން ތަމްރީނުވަމުންދާތީ ނޫނީ ވަކި ޒާތެއްގެ ވަޒީފާއެއް އަދާކުރާތީ ނޫނީ ވަކި އުމުރަކައް ދާއިރު ޒަވާޖީ ހަޔާތެއް ނުފެށިވާތީ ނޫނީ ދެމަފިރިން ކުއްޖަކުނުހޯދާތީ އަބަދުވެސް ފާޑުކިޔުން ރައްދުވާކަމެވެ.

މީވަރަށް ހިތާމަ ކުރަންޖެހޭކަންކަމެވެ.ކޮންމެ މީހަކީވެސް އަމިއްލަ އިޙްތިޔާރެއް އޮންނަމީހެކެވެ.ޒަވާޖީ ހަޔާތެއް ފެށުންލަސްވާ ކަމުގައި ވަނީނަމަ ވާހަކަ ދައްކާށެވެ.އަދި އެއީ ދެބައިވެރިން ބޭނުންވެގެން ކުރާ ލަހެއް ކަމުގައި ވަންޔާ އެދެމީހުންނައް ފުރުސަތު ދޭށެވެ.ދެމީހެއްގެ މެދުގައި ނިންމާ ނިންމުންތަކައް ބަސްނުކިޔާށެވެ.އަދި ތަކުރާރުކޮއް ކުއްވެރިކޮއް އަބަދު ޒަވާޖީ ހަޔާތެއް ފަށަން ޕްރެޝާނުކުރާށެވެ.މިކަމުގެ ސަބަބުން ނަތީޖާނިކުންނަ ގޮތް ތަފާތުވާފަހަރު އެބައާދެއެވެ.ދަރިއަކު ނުހޯދަތިބި ދެމަފިރިންގާތު އެކަމައް ޕްރެޝާ ނުކުރާށެ އަދި ސުވާލު ނުކުރާށެވެ.ދެމަފިރިންގެ ހުރި އުދަގުލާއި ތަކުލީފު އިގޭނީ ދެމަފިރިންނައްށެވެ.ދަރިއަކު ނުލިބޭމީހަކު އެކަން ސިރުއްކޮއް ނުބުނެ ހުރެދާނެއެވެ.ނަމަވެސް ސުވާލުކޮއް ދަރިއަކު ހޯދަން ބުނާ ކޮންމެ ލަފްޒަކުން އެމީހެއްގެ ހިތް ކުދި ކުދި ވެގެންދާނެއެވެ.ބައެއްމީހުން ނުވިސްނާ އަބަދު އަބަދު ބުނާބަސްތަކުން މިފަދަ މީހުންގެ ހަޔާތައް ސިކުޑިއައް ނޭދެވޭ އަސަރުކުރެއެވެ.

ކޮންމެ މީހަކީވެސް ވަކި މީހެކެވެ.ނިންމާނީ ވަކިވަކި ނިންމުންތަކެކެވެ. ކޮންމެ އިންސާނަކީވެސް ދުނިޔެއައް އަންނައިރު އެމީހެއްގެ ތަގުދީރު ލިޔެވިފައިވާމީހެކެވެ.ދުނިޔެއަކީ އިމްތިހާނެކެވެ.ދަންކަން މިއުޅެނީ ބަޔަކު ކިތަންމެ ތުންތެޅުވިއަސް ދަތްބާރުވިއަސް ހިތައް އަރާއިރައް ތިމާމެން ބޭނުންވާއިރައް ބަދަލު ނުވާނެ ކަންކަން ހުންނާނެއެވެ.

މިދައްކަނީ ދިވެހިންގެ ތެރޭގައި އޮތް ނުރަނގަޅު އާދައެއްގެ ވާހަކައެވެ.

ޝެނަން އެލް އަލްޑަރ ވިދާޅުވީ “ދިރިއުޅުމުގައި ލިބޭނެ އެންމެ ބޮޑު އެއް ހިތާމައަކީ އަމިއްލައަށް ގޮތްނުނިއްމާ، އެހެން މީހުން ބޭނުންވާ ގޮތަށް ގޮތްނިންމުމެ”.މީފަހުން ހިތާމަކުރަންޖެހޭ އެއްސަބަބެވެ.

އަހަރެމެން އިންސާނުން ވިސްނަންވީ މާތް ރަސްކަލާންގެ މިންވަރުފުޅުން ކޮންމެކަމެއްވެސް އެކަމެއްގެ ވަގުތުގައި ވާނެކަމެވެ.އެއްވެސް މީހަކު ދާންބޭނުންވާ މަންޒިލަކައް ދިއުމައް ހުރަސްނާޅާށެވެ.ޒަމާނާއެއްވަރަށް މީހާގެ ވިސްނުންވެސް ތަރައްގީވާށެވެ.