ޑރ މުއިޒްގެ ކާމިޔާބީ ގުޅެނީ އިހުލާސްތެރިޓީމްތަކުގެ މަސަތްކަތާ

ޑރ މުއިޒް ކެމްޕެއިން ފެށުނީއްސުރެ ފެނިގެންދަނީ ހުއްޓުމެއްނެތި މަސަތްކަތް ކުރަމުންދާތަނެވެ. އިންތިހާބުގެ ފުރަތަމަ ބުރު ނިމި ދެވަނަބުރަކާއި ކުރިމަތިލީ އުއްމީދުން ފުރިގެންވާ ނަތީޖާ އަކާއި އެކުގައެވެ. ކުރުކޮށް ބުނަނީނަމަ މުއިޒް އުޅުއްވަނީ އަތުލެވޭ ވަރަށްވުރެ މާކުރީގައެވެ. ހީކުރިގޮތާއި ހިލާފައް ސަރުކާރަކާއި ވާދަކޮށް އެހޯދިކާމިޔާބަކީ ހުދު މުއިޒުގެ ޓީމައްވެސް ހައިރާން ކުރުވަނިވި ނަތީޖާއެކެވެ. ރާއްޖޭގެ ރައްޔިތުން ތިބިގޮތް ސާފުވެގެން ދިޔަކަމެވެ.

ގިނަމީހުން ބުނާގޮތުން ނަމަ ހަލަބޮލިކަމުގެ ތެރޭން ރަނގަޅު ކެނޑިޑޭޓެއް އިދިކޮޅުން ނެރެވުން އެއީ އެއްމެބޮޑު އެއް އިއްތިފާގެވެ. ޑރ މުއިޒް އެންޑޯސްކުރެއްވިޓީމްތަކުން މިއަދު އެނެންގެވި ޑިސިސަންއަކީ ހަމަގައިމުވެސް އިދިކޮޅު ހުރިހާ މީހުން މިއަދު ގަބޫލުކުރާނެ ނިންމުމެކެވެ. މުޅިރާއްޖެ ބަލައިގަންނަފަދަ ކެނޑިޑޭޓެއް ދެއްކުމަކީ ފަސޭހަކަމެއްނޫނެވެ. އެހެންނަމަވެސް ޑރ މުއިޒުގެ ޓީމުން އެދުވަހު އެދެއްކި ނަމޫނާއަކީ މިއަދު އިދިކޮޅު އެންމެންހެން ގަބޫލުކުރާނެ ކަމެކެވެ. އެޓީމުން ކުރި ހިއްވަރާ އަދި މިއަދު ކުރަމުންދާ ހިއްވަރަކީ ވަރައްފުރިހަމަ މަސަތްކަތް ތަކެކެވެ. ފިސާރި ކެރިގެން މިއަދު ގައުމުގެ ހައްގުގައި އެވަމުންދާ ގުރުބާނީއަކީވެސް ނަމޫނާއެވެ. ދެން އޮތީ ދެވަނަބުރުގެ ނަތީޖާއަށް އިންތިޒާރުކުރުމެވެ. ފޯރިގަދަ ކެމްޕޭނަކަށްފަހު ރައްޔިތުން އިހުތިޔާރުކުރާ ވެރިޔަކު ފެނިގެން ދިއުން އޮތީ ދާދިގާތުގައެވެ