ޑރ މުއިޒްގެ ކާމިޔާބީ ގުޅިފައިވަނީ އިހުލާސްތެރި މުރާލި މަސަތްކަތްތެރިންނާ

ރާއްޖޭގައި ބޭއްވުނު އެންމެ ފޯރިގަދަ އެއް ރިޔާސީއިންތިހާބު ނިމިގެން އެދިޔައީއެވެ. ހަމަ ޔަގީނުންވެސް އެންމެ ފުރަތަދުވަހުންފެށިގެން ގަދަ އަޒުމާއި ހިއްވަރާއެކު ޕީޕީއެމް ޕީއެންސީ ނުކުމެ ސަރުކާރެއް ބަލިކޮށް މިހޯދީ ކުޑަ ނަތީޖާއެއް ނޫނެވެ. ފާހަގަ ކޮއްލެވުނު ބައެއް ކަންކަމައް ނަޒަރު ހިންގާލަމާތޯއެވެ. އެންމެ ފުރަތަމަ ވެސް ފާހަގަކޮއްލަންޖެހެނީ ޑރ މުއިޒްގެ ދީނީ އަހުލާގިއްތުގެ ވާހަކައެވެ. މިއަދު ރާއްޖެ ވެއްޓިފައިވާ ހާލަތައްބަލާއިރު މިފަދަ ވެރިޔަކު ގެންނަން ގައުމައް ލަސްވެފައިވާކަމުގެ އިހުސާސްކުރެވިފައިވާ އެތައް ބަޔަކު އެބަތިއްބެވެ. ފެނިންގެން ދިޔައީ ބުރަކޮށް އުޅުއްވަމުންވެސް ނަމާދުކުރުމާއި ރިވެތިއަހުލާގެއްގައި ރައްޔިތުން ކުރިމަތީ އުޅުއްވިތަނެވެ. މީހުންނަށް ކުޑައިމިސްކޮށް ބަސް ބުނުމުގެ ބަދަލުގައި ލޯތްބާއިއެކު މުހާތަބުކޮށް މިސާލުދެއްކިތަނެވެ. މިހެންގޮސް އިސްލާމީ ގައުމެއްގެ ވެރިއެއްގެ ހުރިހާ ސިފަތަކެއް ހަމައޭ ދަންނަވާލުމަށްފަހު މައުޟޫއާއިގެން ކުރިއައް ދަމާތޯއެވެ. 

ކެމްޕޭން ފެށުމުގެ ކުރިންނާއި އަދި ކެމްޕެއިންތެރޭންވެސް އެމަނިކުފާނުގެ ފަހަތްޕުޅުން ފެނިގެން ދިޔައީ އިހުލާސްތެރި ޓީމެކެވެ. ހިތްހެހޮކަމާއި އެކު ރައްޔިތުންނާއި ގުޅިގެން މަސަތްކަތްކުރި ޓީމެކެވެ. އޭގެ ތެރޭންވެސް ލޮލުގައި އަޅައިގަންނަ ފަރާތެއް އެންމެނަށްވެސް ފާހަގަވިއެވެ. ސިޓީކައުންސިލް އިންތިހާބުން ފެށިގެން އިހުލާސްތެރިކަމާއެކު ޑރ މުއިޒްގެ ފަހަތްޕުޅުގައި އަބަދުވެސް ހުރެއެވެ. ދައްކަން މިއުޅެނީ މާފަންނުދެކުނުދާއިރާގެ ކައުންސިލްމެމްބަރ އަބްދުއްﷲ ނާސިރު ނުވަތަ އައްލޯ ގެ ވާހަކައެެވެ. ޑރ މުއިޒް ފެންނަ ކޮންމެތާކުން އައްލޯ ފެނެއެވެ. އިހުލާސްތެރިކަމާއިއެކު ޑރ މުއިޒްގެ ފަހަތުގައި މަސަތްކަތް ކުރައްވަމުން ގެންދަވާތަން ފެނެއެވެ. އަހުލާގީގޮތުން ގުޅޭ އަދި މިޒާޖު އެއްގޮތް ދެބޭފުޅުންނެވެ. ރައްޔިތުންނަށް ހިދުމަތްކުރުމުގައި ވަރައްވެސް އިހުލާސްތެރިއެވެ. އަބަދުވެސް ފެނިގެންދާނީ ހިނިތުންވުމަކާއިއެކު މީހުން ކުރިމައްޗައް އަރުއްވާތަނެވެ. މާފަންނު ދެކުނުގެ ރައްޔިތުންގެ އިތުބާރު އައްލޯއައް އެބައޮތެވެ. ހަމަގައިމުވެސް ޑރ މުއިޒް އާއި އެއްކޮށް ފެށު ދަތުރު މަންޒިލް ތިޔަކުރެއްވީ ދިވެހިންގެ ރާއްޖެއަކަށެވެ. ދެން އޮތީ ދިވެހީންގެ ރާއްޖޭގައި ހަމަ އެ އިހުލާސްތެރިކަމާއެކު މަސަތްކަތްކޮށް ކާމިޔާބި ހޯދުމެވެ.