ސޯޝަލް މީޑިއާގައި މިހާރު ދައުރުކުރާ ލިސްޓަކީ އޭސީސީގެ ލިސްޓެއް ނޫން: އޭސީސީ
ސޯޝަލް މީޑިއާގައި މިހާރު ދައުރުވަމުން އަންނަ “ގެދޮރުވެރިޔާ” ލިސްޓަކީ އެންޓި ކޮރަޕްޝަން ކޮމިޝަން (އޭސީސީ)ގެ ލިސްޓެއް ނޫންކަމުގައި އެ ކޮމިޝަނުން ބުނެފިއެވެ.
އެ ކޮމިޝަނުން މިހެން ބުނެފައިވަނީ މިއަދު ނެރުނު ނޫސްބަޔާނެއްގައެވެ.
ނޫސްބަޔާނުގައި އޭސީސީއިން ބުނެފައިވަނީ ގެދޮރުވެރިޔާ ސްކީމްގެ ދަށުން ފްލެޓް ދޫކުރުމާ ގުޅޭގޮތުން ސޯޝަލް މީޑިއާގައި މިހާރު ދައުރުކުރަމުންގެންދާ ލިސްޓަކީ، އެ ކޮމިޝަނުގެ ލިސްޓެއް ނޫންކަން އެ ކޮމިޝަނުން ބެލިބެލުމުން އެނގިފައިވާކަމަށާއި އަދި އެކަމާ ގުޅިގެން އިތުރަށް ބަލަންޖެހޭ ކަންކަން އެ ކޮމިޝަނުން ބަލައި އަޅަންޖެހޭ ފިޔަވަޅުތައް އަޅާނެކަމުގައި ދަންނަވާކަމަށެވެ.
“އަދި މި ފުރުސަތުގައި، ކޮމިޝަނުގެ އެއްވެސް މަސައްކަތަކަށް އެއްވެސް މީހެއްގެ ނުވަތަ ފަރާތެއްގެ އެއްވެސް ނުފޫޒެއް ނޯންނާނެކަމުގެ ފުރިހަމަ ޔަޤީންކަން ދިވެހި ލޮބުވެތި ރައްޔިތުންނަށް އަރުވަން، އަދި ކޮމިޝަނުގެ އެންމެ މަތީ މަސްލަހަތަކީ ޤާނޫނު ނަގަހައްޓައި، ތިޔަ ލޮބުވެތި ރައްޔިތުންގެ މަސްލަހަތު ހިމާޔަތް ކުރުންކަމުގައި ދަންނަވަން” އޭސީސީއިން ބުނެފައިވެއެވެ.
What's Your Reaction?
